ءبىلىم • 19 مامىر، 2020

ەۇۋ سالالىق جۋرناليستيكا ماماندارىن دايارلايدى

105 رەت كورسەتىلدى

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى جۋرناليست ماماندارىن دايارلاۋدا جۇمىس بەرۋشىلەر سۇرانىسىن ەسكەرە وتىرىپ، جاڭاشىل باعىتتاعى تىلشىلەردى وقىتىپ كەلەدى. بيىل وقۋ ورنى اقپاراتتىق جۇيەلەر، ديزاين، جۋرناليستيكا سالا ماماندارى بىرلەسكەن «تسيفرلىق مەديامەنەدجمەنت» وقۋ باعدارلاماسى بويىنشا العاشقى تۇلەكتەرىنە ديپلوم بەرەدى. 

قازىرگى اقپاراتتىق قاۋىپسىزدىك ماسەلەسىنىڭ قوعام ءۇشىن ماڭىزىن ەسكەرسەك، اتالمىش ءبىلىم بەرۋ باعدارلاماسىنىڭ بىتىرۋشىلەرى مەديا سالاسىندا تسيفرلىق تەحنولوگيانىڭ مىقتى ماماندارى رەتىندە سۇرانىسقا يە. ءتىپتى بۇگىنگى كۇنى بىتىرۋشىلەردىڭ كوپشىلىگى ارنايى شاقىرتۋمەن تۇراقتى جۇمىسقا ورنالاسقان.

2020-2021 وقۋ جىلىندا جۋرناليستيكا جانە ساياساتتانۋ فاكۋلتەتىندە ەكى بىردەي يننوۆاتسيالىق ءبىلىم بەرۋ باعدارلاماسى جۇزەگە اسىرىلادى ەكەن. اتاپ ايتار بولساق، ماگيستراتۋرا بويىنشا حالىقارالىق جۋرناليستيكا، باكالاۆرياتتا سپورت جۋرناليستيكاسى ءبىلىم بەرۋ باعدارلامالارى بەكىتىلدى. ءبىلىم بەرۋ باعدارلامالارى حالىقارالىق قاتىناس، دەنە تاربيەسى مەن ءباسپاسوز جانە باسپا ءىسى، تەلەراديو جانە قوعاممەن بايلانىس كافەدرالارىنىڭ ۇسىنىسى نەگىزىندە دايىندالدى.

جۋرناليستيكا جانە ساياساتتانۋ فاكۋلتەتىنىڭ دەكانى پروفەسسور قايرات ءومىرباي ۇلى ساق يننوۆاتسيالىق ءبىلىم بەرۋ باعدارلامالارىنىڭ اشىلۋى قازاقستان مەدياكەڭىستىگىنىڭ كاسىبي دەڭگەيىن كوتەرەتىنىن اتاپ ءوتتى. سالالىق جۋرناليستيكانى دامىتۋدا كاسىبي مامانداردىڭ  بىلىكتىلىگى اسا قاجەت. وسى ماسەلەنى ەسكەرە وتىرىپ، حالىقارالىق جۋرناليستيكانى وقىتۋدا گەوساياسات، الەمدىك مەدياكارتا، اقپارات بەرۋدىڭ حالىقارالىق تاجىريبەلەرى مەن ديپلوماتيالىق قارىم-قاتىناس سالالارى بويىنشا ارنايى كۋرستار جۇرگىزىلەدى، - دەدى فاكۋلتەت دەكانى ءوز سوزىندە. ايتا كەتۋ كەرەك، ءبىلىم بەرۋ باعدارلامالارى سۇرانىس تۋىنداعان جاعدايدا ءۇش تىلدە وقىتىلادى.

سپورت جۋرناليستيكاسى ءبىلىم بەرۋ باعدارلاماسى سپورت تەورياسى مەن پراكتيكاسىن قاراستىرىپ قانا قويماي، ءتۇرلى سپورت جارىستارى مەن وليمپيادا ويىندارىنان رەپورتاج دايىنداۋ، ۇلتتىق سپورت تۇرلەرىن ناسيحاتتاۋ جانە تانىمال سپورت تىلشىلەرىنىڭ شىعارماشىلىق شەبەرحاناسى جايلى تولىققاندى بازالىق ءبىلىم بەرەدى.

حالىقارالىق جۋرناليستيكا ءبىلىم بەرۋ باعدارلاماسى بويىنشا ءبىلىم الۋشىلار حالىقارالىق شولۋشى، شەتەلدىك اقپارات اگەنتتىكتەرىنىڭ ءتىلشىسى، ەلشىلىكتىڭ ءباسپاسوز قىزمەتىنىڭ مامانى، حالىقارالىق اقپارات اگەنتتىكتەرىنىڭ تىلشىلەرى، حالىقارالىق باسىلىم رەداكتورى بىلىكتىلىگىن الادى.

ءبىر سوزبەن ايتقاندا، ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى الداعى ۋاقىتتا الەمدىك اقپارات نارىعىنا زاماناۋي تالاپتارعا ساي مامان دايارلاپ، ۇلتتىق جۋرناليستيكانىڭ اياسىن كەڭەيتپەك. 

 

سوڭعى جاڭالىقتار

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

توي تويلاۋ تىيىلماي تۇر

قوعام • بۇگىن، 10:45

ۇقساس جاڭالىقتار