قالىپتاسقان جاعدايدا «ادالدىق ساعاتى» ءداستۇرلى تۇردەگى كەزدەسۋلەردىڭ ورنىنا ونلاين فورماتتا ءوتتى.
اباي قۇنانباي ۇلىنىڭ 175-جىلدىعىنا وراي ونلاين ءدارىستىڭ تاقىرىبى «ادالدىقتى مۇرا ەتكەن ۇلى اباي» دەپ انىقتالدى. ءدارىس جاس ۇرپاقتى ءادىل, ءارى پاراساتتى بولۋعا شاقىرعان ۇلى ويشىلعا ارنالدى.
پرەزيدەنت ق.توقاەۆ ءوزىنىڭ «اباي جانە ءححى عاسىرداعى قازاقستان» اتتى ماقالاسىندا: «ابايدى ءبىلۋ – ءوزىڭدى تانۋ. ءوزىن-ءوزى تانۋ جانە ادامنىڭ تۇراقتى دامۋى, عىلىم مەن ءبىلىمنىڭ باسىمدىعى – جەتىلۋدىڭ كورىنىسى. بۇگىندە ابايدىڭ ءسوزى جاس ۇرپاقتىڭ باعدارى بولۋى ءتيىس», – دەپ اتاپ ءوتتى.
اتالعان اكتسيا اياسىندا رەسپۋبليكا بويىنشا جوعارعى وقۋ ورىندارى جانە كوللەدجدەردىڭ 1-كۋرس ستۋدەنتتەرى مەن 9-11 سىنىپ وقۋشىلارى قامتىلدى.
بەينە-دارىستەر ەكى تىلدە رەسپۋبليكالىق «EL ARNA» جانە «Balapan» تەلەارنالارى, اگەنتتىكتىڭ Youtube-ارناسى مەن ونىڭ اۋماقتىق دەپارتامەنتتەرىنىڭ, «Adaldyq alańy» جوبالىق كەڭسەلەرىنىڭ الەۋمەتتىك جەلىلەردەگى پاراقشالارى ارقىلى كورسەتىلدى.
قوعامدا پاراساتتىلىق يدەولوگياسىن ناسيحاتتاۋ بويىنشا اگەنتتىك جۇرگىزەتىن جۇيەلى جۇمىستار ءوز جالعاسىناتىن بولادى.
