وتىرىس بارىسىندا ازاماتتىق سەكتوردىڭ جاڭا زاڭنامالىق باستامالاردى, ازاماتتىق قوعامدى دامىتۋ تۇجىرىمداماسىن, «حالىق ۇنىنە قۇلاق اساتىن مەملەكەت» تۇجىرىمداماسىن, ازاماتتىق قوعامنىڭ ەل پرەزيدەنتىنىڭ جولداۋىن ىسكە اسىرۋداعى جانە حالىقپەن كەرى بايلانىس ورناتۋداعى ءرولىن تالقىلاۋعا قاتىسۋ ماسەلەلەرى قارالدى. مينيستر ۇكىمەتتىك ەمەس سەكتوردىڭ توتەنشە جاعدايلار مەن كارانتين جاعدايىندا حالىقتى قولداۋ شارالارىن ىسكە اسىرۋداعى ۇلەسىن اتاپ ءوتتى.
ايدا بالاەۆانىڭ ايتۋىنشا, مينيسترلىك اشىقتىق پەن ازاماتتىق قوعام ينستيتۋتتارىمەن تىعىز ءوزارا ءىس-قيمىل قاعيداتىن ۇستانادى. حالىقپەن كەزدەسۋلەر تۇراقتى ءارى سالالىق نەگىزدە وتكىزىلەدى. مينيسترلىك مەملەكەتتىك باعدارلامالاردىڭ ىسكە اسىرىلۋ بارىسى تۋرالى حالىقتىڭ بارىنشا حاباردار بولۋىن جانە ازاماتتاردىڭ وسى باعدارلامالارعا قاتىسۋىن ەرەكشە نازاردا ۇستايدى.
«ۇكىمەتتىك ەمەس ۇيىمداردىڭ قاتىسۋىمەن جۇزەگە اسىرىلاتىن مەملەكەتتىك ورگاندار تاراپىنان جوسپارلاعان الەۋمەتتىك جوبالار, قازاقستاندىقتاردىڭ سۇرانىستارى مەن قاجەتتىلىكتەرىنە نەگىزدەلۋى كەرەك. سونىمەن قاتار جوسپارلاۋ, مەملەكەتتىك الەۋمەتتىك تاپسىرىستى قالىپتاستىرۋ, مەملەكەتتىك گرانتتىق قارجىلاندىرۋ ماسەلەلەرى اشىق بولۋعا ءتيىس. مينيسترلىك حالىقتىڭ ءارتۇرلى ماقساتتى توپتارىن (ەرەكشە قاجەتتىلىكتەرى بار ادامدار, NEET ساناتىنداعى جاستار ء(بىلىمى مەن داعدىلارى جوق), كوپ بالالى وتباسىلار جانە ت.ب.) قۇقىقتىق, قارجىلىق, تسيفرلى ساۋاتتىلىق پەن داعدىلارعا ۇيرەتۋگە باعىتتالعان جوبالاردى ازىرلەيدى», دەدى مينيستر. ول, سونداي-اق وتىرىستا ايتىلعان بارلىق ۇسىنىستار ەسكەرىلىپ, مينيسترلىكتىڭ جوسپارىنا ەنگىزىلەتىنىن جەتكىزدى.
ۇكىمەتتىك ەمەس ۇيىمدار مەملەكەتتىك ورگاندارمەن ءوزارا ءىس-قيمىلدى, ۆولونتەرلىك جانە ارنايى الەۋمەتتىك قىزمەتتەر سالاسىنداعى زاڭنامانى جەتىلدىرۋ بويىنشا ناقتى ۇسىنىستارىن ءبىلدىردى, مينيسترلىكتىڭ اشىق ديالوگ پەن بىرلەسكەن جۇمىسقا دايىن ەكەندىگىن اتاپ ءوتتى.
الماتىعا جۇمىس ساپارى اياسىندا مينيستر قازاقستان پراۆوسلاۆيە شىركەۋىنىڭ باسشىسى, استانا مەن قازاقستاننىڭ ءميتروپوليتى الەكساندرمەن كەزدەستى. كەزدەسۋ ۆوزنەسەنسك كافەدرالى شىركەۋىندە ءوتتى. مينيستر قازاقستان پراۆوسلاۆيە شىركەۋى قىزمەتىنىڭ قايتا جاندانعانىنا 25 جىل تولۋىنا وراي جۇرگىزىلگەن اۋقىمدى عىلىمي-قالپىنا كەلتىرۋ جۇمىستارىمەن ەگجەي-تەگجەيلى تانىستى.
ول ميتروپوليت الەكساندردىڭ ەلدەگى تاتۋلىق پەن بىرلىكتى ساقتاۋعا, كونفەسسياارالىق جانە ۇلتارالىق كەلىسىمدى دامىتۋعا, وتباسىلىق قۇندىلىقتاردى نىعايتۋعا بەلسەندى قاتىسقانىن اتاپ ءوتتى.
ا.بالاەۆا ميتروپوليتكە كوروناۆيرۋستىق ينفەكتسيانىڭ تارالۋىنا بايلانىستى قابىلدانعان قاۋىپسىزدىك شارالارى ءۇشىن العىس ايتتى.
ء«بىز ءسىزدىڭ ەلدە العاشقىلاردىڭ ءبىرى بولىپ قاۋىپسىزدىك شارالاردى قابىلداعانىڭىزدى, ءدىني راسىمدەردى ۇجىمداسىپ اتقارۋدى توقتاتىپ, ءدىن وكىلدەرىنە قاۋىپسىزدىك شارالارىنىڭ كوروناۆيرۋستىڭ تارالۋىنىڭ الدىن الۋ ماقساتىندا ءماجبۇرلى تۇردە قولعا الىنعاندىعىن تۇسىندىرگەنىڭىزدى بىلەمىز» دەدى.
ءوز كەزەگىندە ميتروپوليت الەكساندر قازاقستانداعى پراۆوسلاۆيە شىركەۋىنىڭ قىزمەتى تۋرالى حاباردار ەتىپ, شىركەۋ جۇزەگە اسىراتىن ءتۇرلى الەۋمەتتىك, قايىرىمدىلىق, رۋحاني, ءبىلىم بەرۋ جانە جاستار جوبالارى تۋرالى باياندادى.
كەزدەسۋ سوڭىندا ا.بالاەۆا ميتروپوليت الەكساندرعا مەملەكەتپەن سىندارلى ءوزارا ءىس-قيمىل جانە سەرىكتەستىگى ءۇشىن العىس ايتتى.
ايدا بالاەۆا «قازاقستاننىڭ ازاماتتىق اليانسى» زتب پرەزيدەنتى اسىلبەك قوجاحمەتوۆپەن كەزدەستى. كەزدەسۋ بارىسىندا قازاقستاننىڭ ازاماتتىق اليانسىن ستراتەگيالىق دامىتۋدىڭ باسىم باعىتتارى, مەملەكەتتىك ورگانداردىڭ ۇەۇ-مەن ءوزارا ارەكەتتەستىگى مەن ىنتىماقتاستىعىن كەڭەيتۋ, ازاماتتىق قوعامدى دامىتۋ پەرسپەكتيۆالارى, قازاقستاننىڭ IX ازاماتتىق فورۋمىن ۇيىمداستىرۋ جانە باسقا دا وزەكتى ماسەلەلەر تالقىلاندى.
ء«وزىنىڭ سايلاۋالدى باعدارلاماسىندا پرەزيدەنت ق.توقاەۆ قوعامدىق ديالوگتى نىعايتۋ مەن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋدىڭ ماڭىزدىلىعىن اتاپ ءوتتى. مۇنداي جاعدايدا ءبىز ازاماتتىق اليانستىڭ جانە وسى قۇرىلىمنىڭ قۇرامىنا كىرەتىن ۇيىمداردىڭ بەلسەندى قولداۋىنا سەنەمىز», دەپ اتاپ ءوتتى مينيستر.
كەزدەسۋ قورىتىندىسى بويىنشا, مەملەكەتتىك ورگاندار مەن ازاماتتىق قوعام اراسىنداعى ديالوگ پەن جۇيەلى بايلانىستى دامىتۋ بويىنشا ءوزارا ءىس-قيمىلدىڭ نەگىزگى باعىتتارى ايقىندالدى.
