سەنات توراعاسى ماۋلەن اشىمباەۆ ءوز سوزىندە جوعارعى پالاتانىڭ نەگىزگى ماقساتى مەملەكەت باسشىسىنىڭ جاڭعىرتۋ جونىندەگى العا قويعان مىندەتتەرىن زاڭنامالىق تۇرعىدان شۇعىل ءارى ءتيىمدى قامتاماسىز ەتۋ ەكەنىن ەسكە سالدى. سوعان وراي سەناتتىڭ جۇمىس جوسپارى شەڭبەرىندە الداعى كەزەڭگە ارنالعان بىرقاتار باسىم باعىتتار بەلگىلەندى. ولاردىڭ قاتارىندا اۋىلداردى دامىتۋ, شاعىن جانە ورتا بيزنەستى قولداۋ, قوعامدا ۇلتتىق قۇندىلىقتاردى كەڭىنەن دارىپتەۋ جانە باسقا دا باعىتتار بار.
«جوسپاردا كورسەتىلگەن باعىتتاردى جۇزەگە اسىرۋ ءۇشىن پارلامەنتتىك تىڭداۋلار, دوڭگەلەك ۇستەلدەر ۇيىمداستىرىلادى. پارلامەنت ماجىلىسىمەن جانە ۇكىمەتپەن بىرلەسىپ, زاڭدارعا ۋاقتىلى وزگەرىستەر ەنگىزۋ جونىندەگى جۇمىسىمىزدى جالعاستىرا بەرەمىز. وسى جانە باسقا دا كوپتەگەن ماسەلەلەردىڭ وڭ شەشىمى حالقىمىزدىڭ ءومىر ءسۇرۋ دەڭگەيىن ارتتىرۋعا مۇمكىندىك بەرەدى دەپ سەنەمىن», – دەدى ماۋلەن اشىمباەۆ.
قازاقستان رەسپۋبليكاسى پرەزيدەنتىنىڭ «قازاقستان رەسپۋبليكاسى جوعارعى سوتىنىڭ سۋديالارىن قىزمەتتەن بوساتۋ تۋرالى» ۇسىنىسى كۇن تارتىبىندەگى ءبىرىنشى ماسەلە بولدى. پرەزيدەنت ۇسىنعان كانديداتۋرالار بويىنشا قورىتىندىلار دايىنداۋ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنە تاپسىرىلدى.
قارجى جانە بيۋدجەت كوميتەتى ەۋرازيالىق ەكونوميكالىق وداق پەن قىتاي حالىق رەسپۋبليكاسىنىڭ كەدەندىك شەكارالارى ارقىلى وتكىزىلەتىن تاۋارلار مەن حالىقارالىق تاسىمالدىڭ كولىك قۇرالدارى جونىندە اقپارات الماسۋ تۋرالى كەلىسىمدى راتيفيكاتسيالاۋ تۋرالى زاڭ جوباسىمەن اينالىساتىن بولدى.
حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكس جوباسىنا قورىتىندى دايىنداۋ الەۋمەتتىك-مادەني دامۋ جانە عىلىم كوميتەتىنە تاپسىرىلدى. وسى كوميتەتكە سونىمەن قاتار قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسى دا بەرىلدى.
كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتى قازاقستان رەسپۋبليكاسىنىڭ ازاماتتىق پروتسەستىك كودەكسىنە سوتتار جۇمىسىنىڭ زاماناۋي فورماتتارىن ەندىرۋ, ارتىق سوت راسىمدەرى مەن شىعىندارىن قىسقارتۋ ماسەلەلەرى بويىنشا تۇزەتۋلەر ەنگىزۋ جۇمىستارىن باستايدى.
بيۋرو وتىرىسى بارىسىندا پارلامەنت سەناتىنىڭ 21 مامىردا وتەتىن وتىرىسىنىڭ كۇن ءتارتىبى بەلگىلەندى.
وندا سەناتورلار جوعارعى سوتتىڭ سۋديالارىن قىزمەتتەن بوساتۋ تۋرالى, ەۋرازيالىق ەكونوميكالىق وداقتىڭ كەدەندىك اۋماعىنا اكەلىنگەن تاۋارلاردى قاداعالاپ وتىرۋ تەتىگى تۋرالى كەلىسىمدى راتيفيكاتسيالاۋ تۋرالى, «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا تولىقتىرۋلار ەنگىزۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ جوباسىن, سونداي-اق, «ساياسي پارتيالار تۋرالى» قازاقستان رەسپۋبليكاسىنىڭ زاڭىنا وزگەرىس پەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قارۋلى كۇشتەردىڭ, باسقا دا اسكەرلەر مەن اسكەري قۇرالىمداردىڭ ارسەنالدارى, بازالارى مەن قويمالارى جانىنداعى تىيىم سالىنعان ايماقتار مەن تىيىم سالىنعان اۋداندار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن قاراۋدى جوسپارلاپ وتىر.
