اككرەديتتەۋ جانە رەيتينگتىڭ تاۋەلسىز اگەنتتىگىنىڭ زەرتتەۋ قورىتىندىسى بويىنشا اباي اتىنداعى قازاق ۇلتتىق پەداگوگيكالىق ۋنيۆەرسيتەتى ۇزدىك تورتتىككە ەندى. جوعارى وقۋ ورىندارىنىڭ ينستيتۋتسيونالدىق رەيتينگىسىندە باكالاۆرياتتىڭ ءبىلىم بەرۋ باعدارلامالارىنىڭ باعىتتارى بويىنشا قورىتىندى كورسەتكىشتەرمەن (24345) قر جوعارى وقۋ ورىندارىنىڭ اراسىندا دا الدىڭعى ورىننان كورىنگەن ۋنيۆەرسيتەت پەداگوگيكالىق جوعارى وقۋ ورىندارىنىڭ كوش باسىندا تۇر.
جوعارى وقۋ ورىندارىنىڭ ۇلتتىق سۇرانىسقا يە رەيتينگىنە بيىل 89 وتاندىق وقۋ ورنى قاتىستى. اككرەديتتەۋ جانە رەيتينگتىڭ تاۋەلسىز اگەنتتىگى جىل سايىن وتكىزەتىن «قر جوعارى وقۋ ورىندارىنا سۇرانىستىڭ ۇلتتىق رەيتينگى-2020» بۇل ەلىمىزدىڭ جوعارى ءبىلىم بەرۋ ساپاسىن جوعارىلاتۋعا باعىتتالعان ءبىلىم بەرۋ قىزمەتتەرى مەن عىلىمي زەرتتەۋلەردىڭ باسەكەگە قابىلەتتىلىگىن ارتتىرۋعا ىقپال ەتەتىن سارالاۋ مەن باعالاۋدىڭ ءتيىمدى قۇرالى بولىپ تابىلادى.
ساراپتامالىق ءبىلىم بەرۋ باعدارلامالارىنىڭ ناتيجەلەرىن سالا بويىنشا باعالاۋ رەيتينگىسىندەگى جەتىستىك ءبىلىم بەرۋ باعدارلامالارىنىڭ سانىنا ەمەس, ساپاسىنا جانە ارتۇرلىلىگىنە, ۋنيۆەرسيتەت ءپروفيلىنىڭ سايكەستىگىنە بايلانىستى.
رەيتينگكە قاتىسۋ ءبىلىم بەرۋ جۇيەسىن ترانسفورماتسيالاۋ جاعدايىندا جوعارى وقۋ ورىندارىنىڭ باسەكەگە قابىلەتتىلىگىن, تابىستىلىعىن ارتتىرۋدىڭ, ەل دامۋىنىڭ ماڭىزدى سالالارىندا سۇرانىسقا يە مامانداردى دايارلاۋ ساپاسىنىڭ الەمدىك دەڭگەيىنە قول جەتكىزۋگە باعىتتالعان شەشۋشى فاكتورىنا اينالۋدا.
