تۇركىمەنستان سىرتقى ىستەر مينيسترلىگى ۇكىمەتتىڭ كەزەكتى وتىرىسىندا پرەزيدەنت گۋربانگۋلى بەردىمۇحامەدوۆ «تۇركىمەنستاننىڭ دۇنيەجۇزىلىك ساۋدا ۇيىمىنا باقىلاۋشى رەتىندە كىرۋى تۋرالى» جارلىققا قول قويعانىن ايتادى.
وسىلايشا, مەملەكەت باسشىسى ارنايى ۇكىمەتتىك كوميسسيانىڭ تۇركىمەنستاننىڭ دسۇ-عا كىرۋى تۋرالى ۇسىنىسىن ماقۇلدادى, وسى قۇجاتقا سايكەس تۇرىكمەن تاراپى دسۇ-نىڭ باس ديرەكتورى روبەرت ازەۆەدتىڭ اتىنا ۇيىمعا بايقاۋشى رەتىندە كىرۋ تۋرالى ءوتىنىش حات جولدادى.
«دسۇ-عا كىرۋ راسىمدەرىنە سايكەس, تۇركىمەنستاندى ۇيىمعا بايقاۋشى رەتىندە قابىلداۋ ماسەلەسى جاقىن ارادا وتەتىن دسۇ باس كەڭەسىنىڭ كەلەسى وتىرىسىندا قارالادى», دەدى تۇركىمەنستان سىرتقى ىستەر مينيسترلىگى.
العاش رەت تۇركىمەنستاننىڭ دسۇ-عا كىرۋى تۋرالى ماسەلەنى 9 جىل بۇرىن ەۋروكوميسسيانىڭ سول كەزدەگى باسشىسى جوزە-مانۋەل بارروزۋ كوتەرگەن بولاتىن.
2011 جىلى اشحابادقا جاساعان ساپارىندا ول گۋربانگۋلى بەردىمۇحامەدوۆتى دۇنيەجۇزىلىك ساۋدا ۇيىمىنا كىرۋگە تۇرىكمەنستاننان ءوتىنىش بەرۋگە شاقىردى.
اشحاباد دسۇ-عا كىرۋ ۇلتتىق ەكونوميكانىڭ دامۋىنا سەرپىن بەرەدى جانە شەتەلدىك سەرىكتەستەرمەن ىنتىماقتاستىقتى كەڭەيتەدى دەپ سانايدى.
