قىتاي اۋىلشارۋاشىلىعى مينيسترلىگى ءساۋىر ايىنىڭ باسى جانە اياعىندا قازاقستاندىق ارىپتەستەرىنە گۋمانيتارلىق كومەك رەتىندە مەديتسينالىق بۇيىمدار: مىڭ دانا كوزىلدىرىك پەن كوستيۋمدەر, سونداي-اق 30 مىڭ مەديتسينالىق بەتپەردەلەر جىبەردى. قورعانىس قۇرالدارىنىڭ بارلىعى باقىلاۋ بەكەتتەرىندەگى ۆەتەرينارلىق ينسپەكتورلارعا بەرىلدى.
قازىرگى ۋاقىتتا ەكى ەلدىڭ اۋىل شارۋاشىلىعى مينيسترلىكتەرى بىرقاتار ازىق-ت ۇلىك ونىمدەرىن, اتاپ ايتقاندا, شوشقا ەتى, قوي ەتى, سيىر ەتى, بالىق جانە بالىق ونىمدەرىن, ءسۇت جانە ءسۇت ونىمدەرىن, بال مەن ءجۇن شيكىزاتىن قازاقستاننان قحر-عا ەكسپورتتاۋعا ۆەتەرينارلىق تالاپتار تۋرالى كەلىسىم جاسالعان.
بۇل كەلىسىم تاۋار اينالىمىن ۇلعايتۋعا مۇمكىندىك بەرىپ, قازاقستاندىق كاسىپورىندار ءۇشىن قىتاي نارىعىنا جول اشتى.
مينيسترلىكتەر سونىمەن قاتار اۋىلشارۋاشىلىق عىلىمى مەن ءبىلىمى, ءوندىرىس تەحنولوگيالارىن ەنگىزۋ جانە ورگانيكالىق ونىمدەرگە سەرتيفيكاتتاۋ جۇيەسىن قۇرۋ ماسەلەلەرىندە بەلسەندى جۇمىس ىستەيدى, ويتكەنى قازاقستاننىڭ ەكولوگيالىق تازا تابيعي ونىمدەرىنە قىتاي تۇتىنۋشىلارى اراسىندا سۇرانىس جوعارى.
قازاقستان رەسپۋبليكاسىنىڭ اۋىل شارۋاشىلىعى مينيسترلىگى قىتاي اۋىل شارۋاشىلىعى مينيسترلىگىن ادال سەرىكتەس رەتىندە تانيدى جانە COVID 19 ۆيرۋسىمەن كۇرەسۋدە كورسەتكەن قولداۋى ءۇشىن قۇرمەت پەن ريزاشىلىعىن بىلدىرەدى.
