بۇل كۇندە قوعام تاراپىنان ۇلكەن ىنتا تۋدىرعان «نۇر وتان» حدپ-نىڭ جاڭا ساياسي دوكتريناسى جوباسى كەشە تەمىرتاۋدا وتكەن ايماقتىق فورۋمدا قىزۋ تالقىلانىپ, وعان قاتىسۋشىلاردىڭ ءبىر توبى ءوز ويلارىن ورتاعا سالدى.
بۇل كۇندە قوعام تاراپىنان ۇلكەن ىنتا تۋدىرعان «نۇر وتان» حدپ-نىڭ جاڭا ساياسي دوكتريناسى جوباسى كەشە تەمىرتاۋدا وتكەن ايماقتىق فورۋمدا قىزۋ تالقىلانىپ, وعان قاتىسۋشىلاردىڭ ءبىر توبى ءوز ويلارىن ورتاعا سالدى.
جاس قاۋىم وكىلدەرىنىڭ بۇل باسقوسۋىنا ارنايى كەلىپ, ءسوز كەزەگى الدىمەن تيگەن «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك اتالعان ماڭىزدى قۇجاتتىڭ نەگىزگى باعىتتارىن جان-جاقتى, تىڭداۋشىلار پايىمداۋىنا تۇسىنىكتى تۇردە بايانداپ بەردى. ول ءوز سوزىندە دوكترينانىڭ ءار تەزيسى بولاشاق ءۇشىن جازىلعان, ول بولاشاق-پروگرەسسيۆتى جانە باسەكەگە قابىلەتتى بۋىن ەكەنىن, پارتيا سولارعا ءۇمىت پەن سەنىم ارتاتىنىن, سەبەبى, بۇگىنگى باستامالاردى جۇزەگە اسىرۋشىلار بولىپ تابىلاتىنىن ايتىپ, وسىنداي بيىك ماقسات جولىندا ارقايسىسىنىڭ قوسار ۇلەسى ۇلكەن بولۋى تيىستىگى تۋرالى وي تاستادى.
قاتىسۋشىلار اتىنان ءسوز سويلەۋشىلەر: «نۇرقازعان» كەنىشىنىڭ 22 جاسار جەتەكشىسى مۇرات بورىباەۆ, «ءساتتى قادام» الەۋمەتتىك جوباسىن ىسكە اسىرۋعا اتسالۋشى اسەم كەنجەبەكوۆا, ونەرتاپقىش تالاپكەر سەرگەي الەشين, پاۆلودار وبلىسىنداعى زاڭعار اۋىلدىق وكرۋگىنىڭ ەڭ جاس اكىمى حامزا ورازبەكوۆ, «قازاقستاننىڭ جاستار كونگرەسى» زتۇ اتقارۋشى ديرەكتورى روللان قۇسپان ەلباسىنىڭ ساليقالى ساياساتى ارقاسىندا قالىپتاسقان ەكونوميكالىق دامۋ مەن رۋحاني ورلەۋدىڭ جاڭا قىرلارىن جانە قۇندىلىقتارىن ايقىنداپ, جيناقتاۋشى تۇرعىسىندا قابىلدانعان دوكترينانىڭ ماڭىزدىلىعى جايلى پىكىر ءبولىستى, ۇسىنىستار پارتيا باسشىلىعىنا جەتكىزىلدى. جاس اكتەر اسىلحان تولەپوۆتىڭ «بولاشاق بىزدىكى, بولاشاقتى ءبىز جاساۋىمىز كەرەك», دەگەن ءسوزى دۋ قول شاپاقتالىپ قوستالۋىنان بۇل ويدىڭ بارىنە ورتاقتىعى ءبىلىندى.
فورۋمعا قاتىسۋشىلار ءوزدەرىنە ارنايى ۇيىمداستىرىلعان سەمينار-ترەنينگتە تاجىربيە الماستى.
ايقىن نەسىپباي,
«ەگەمەن قازاقستان».
قاراعاندى.
