– توتەنشە جاعداي مەن كارانتين ەنگىزىلگەن كەزدە ورتالىققا جۇمىس فورماتىن جەدەل قايتا قۇرۋعا تۋرا كەلدى. ءبىزدىڭ بارلىق كۇش-جىگەرىمىز تۇرعىندار مەن پاتسيەنتتەر ءۇشىن كورسەتىلەتىن قىزمەتتەردى بارىنشا ساقتاۋعا باعىتتالدى. ايتۆ-اۋحالدى ادامداردىڭ ءومىرى مەن دەنساۋلىعى – ءبىزدىڭ باستى نازارىمىزدا, – دەيدى الماتى قالاسى جيتس-ءتىڭ الدىن الۋ جانە وعان قارسى كۇرەس ورتالىعىنىڭ باس دارىگەرى مارات توكەەۆ.
بارشامىز ءۇشىن قيىن كۇندەردە ورتالىق ماماندارى كۇن سايىن پاتسيەنتتەرگە قاجەتتى انتيرەتروۆيرۋستىق (ارۆ) پرەپاراتتاردىڭ ىركىلۋىنە جول بەرمەدى. COVID-19 الدىن الۋ ماقساتىندا ولاردى جەتكىلىكتى مولشەردە قولدارىنا بەردى. ايتۆ-مەن ءومىر سۇرەتىن ادامداردىڭ ءبىر بولىگى الماتى وبلىسىندا قالىپ قويعانى بەلگىلى بولعاندا, دارىگەرلەر ءدارى-دارمەكتەردى قالا شەكاراسىنا دەيىن جەتكىزۋدى ۇيىمداستىردى. سونىمەن قاتار پاتسيەنتتەرگە جەكە قورعانۋ قۇرالدارى – ماسكالار, قولعاپتار, سانيتايزەرلەر بەرىلدى. جاعدايدىڭ كۇردەلىلىگى اناعۇرلىم ءونىمدى ناتيجەگە جەتكىزدى – بۇدان بۇرىن ارۆ-تەراپيامەن ەمدەۋ پايداسىن جوققا شىعارعان ايتۆ-ءپوزيتيۆتى ادامدار ونى قابىلداۋعا شەشىم قابىلدادى.
جيتس ورتالىعىنىڭ دارىگەرلەرىنە الماتى قالاسى اكىمدىگىنىڭ جانە قوعامدىق دەنساۋلىق باسقارماسىنىڭ ماماندارى ۇلكەن قولداۋ كورسەتتى.
تج كەزىندە دارىگەرلەر «رەۆانش» ومىردە قيىن جاعدايعا تاپ بولعان ادامداردى كەشەندى قولداۋ ورتالىعىنا كومەك كورسەتتى. ورتالىق كليەنتتەرىنىڭ اراسىندا – بۇرىن قاماۋدا بولعاندار, ەسىرتكىگە تاۋەلدى ادامدار, ايتۆ-مەن ءومىر سۇرەتىن ادامدار بار. دارىگەرلەر مەن مەدبيكەلەر ءوز ەركىمەن جيناعان اقشالارىنا العاشقى كەزدە قاجەت بولاتىن زاتتاردى ساتىپ الىپ ورتالىققا اكەلدى: كوروناۆيرۋستان قورعايتىن سانيتارلىق قۇرالدار مەن ازىق-ت ۇلىك: قانت, وسىمدىك مايى, جارمالار الىپ كەلدى. مەديتسينالىق قىزمەت كورسەتۋمەن دە كومەكتەستى.
بۇگىندە الماتى قالالىق جيتس ورتالىعىندا ديسپانسەرلىك ەسەپتە 3500 پاتسيەنت تۇرادى. انتيرەتروۆيرۋسقا قارسى تەراپياعا قولجەتىمدىلىكتى كەڭەيتۋدىڭ ارقاسىندا ايتۆ جانە جيتس-پەن ءومىر سۇرەتىن ادامدار اراسىندا ءولىم-ءجىتىمنىڭ تومەندەۋ ءۇردىسى بايقالادى. بۇل ولارعا تولىققاندى ءومىر سۇرۋگە, جۇمىس ىستەۋگە جانە قوعامدىق قىزمەتپەن بەلسەندى اينالىسۋعا مۇمكىندىك بەرەدى.
ايتقانداي, العاش رەت دۇنيەجۇزىلىك جيتس-تان قايتىس بولعانداردى ەسكە الۋ كۇنى (World Remembrance Day of ITS Victims) 1983 جىلى امەريكانىڭ سان-فرانتسيسكو قالاسىندا اتاپ ءوتىلدى.
الماتى
