ءبىرىنشى بولىپ «الدىڭعى شەپكە» دارىگەرلىك كۋالىگى بار قازۇۋ-دىڭ مەديتسينا جانە دەنساۋلىق ساقتاۋ فاكۋلتەتىنىڭ 50-دەن استام ماگيسترانتى مەن دوكتورانتى اتتانىپ, سىرقاتتى جۇقتىرعان جانە ولارمەن بايلانىستا بولعان ادامداردى قابىلدايتىن اۋرۋحانالاردا جانقيارلىقپەن جۇمىس ىستەۋدە. قازىرگى ساتتە ينفەكتسيونيستەر, پۋلمونولوگتار جانە رەانيماتولوگتار الماتى قالاسىنىڭ مەديتسينالىق مەكەمەلەرىندە تاۋلىك بويى قىزمەت اتقارۋدا. ەپيدەميولوگتار قورشاۋعا الىنعان كارانتيندىك نىساندار مەن بلوك بەكەتتەرىندە جۇمىس ىستەپ, سونداي-اق ناۋقاستار مەن ولارمەن بايلانىستا بولعان ادامداردى تاسىمالداۋمەن اينالىسۋدا.
سونىمەن قاتار, 20 ينتەرن-دارىگەر كارانتين كەزەڭىندە دەرتكە شالدىققاندارمەن بايلانىستا بولعان ناۋقاستارعا ارنالعان پروۆيزورلىق ستاتسيونارى اشىلعان قازۇۋ-دىڭ مەديتسينالىق دياگنوستيكالىق ورتالىعىندا جانە №1 قالالىق اۋرۋحانادا ەرىكتىلەر رەتىندە ورتاق ىسكە ءوز ۇلەستەرىن قوسىپ جاتىر. سونداي-اق دەنساۋلىق ساقتاۋ ساياساتى جانە ونى ۇيىمداستىرۋ كافەدراسىندا شۇعىل تۇردە بىرنەشە رەت قولدانىلاتىن بەتپەردەلەر تىگۋ ءىسى ۇيىمداستىرىلعان. وقىتۋشىلار دەزينفەكتسيالاۋ جانە قورعاۋ قۇرالدارى بار ارنايى پاكەتتەر جيناقتاپ, ولاردى ارىپتەستەرى مەن ستۋدەنتتەرگە تابىس ەتتى.
قازۇۋ عالىمدارى كوروناۆيرۋستىڭ تارالۋ ماسەلەلەرىن شەشۋگە بەلسەندى تۇردە اتسالىسۋدا. وسىلايشا, «جاڭا حيميالىق تەحنولوگيالار مەن ماتەريالدار» عزي-دا حيرۋرگتار مەن مەديتسينالىق قىزمەتكەرلەردىڭ قولدارىن, سونداي-اق وپەراتسيالىق جانە ينەكتسيالىق ورىستەردىڭ تەرىلەرىن زارارسىزداندىرۋعا ارنالعان انتيسەپتيك جاسالدى. انتيسەپتيكتىڭ تيىمدىلىگى م.ايقىمباەۆ اتىنداعى ۇلتتىق اسا قاۋىپتى ينفەكتسيالار عىلىمي ورتالىعىنىڭ اككرەديتاتسيالانعان زەرتحاناسىنىڭ قورىتىندىسىمەن راستالدى.
حيميك عالىمدار, سونىمەن قاتار, حلورگەكسيدين نەگىزىندە گيدروگەلدى انتيسەپتيكتى جاساپ شىعاردى. سۋلى-ءسپيرتتى ەرىتىندىلەرگە قاراعاندا, ونىڭ اسەرى ۇزارتىلعان ارەكەتكە يە. مەديتسينالىق-بيولوگيالىق زەرتتەۋلەر وسىنداي دەزينفەكتسيالىق قۇرالمەن وڭدەلگەن قاباتتارداعى انتيسەپتيكالىق قاسيەتتەر ءبىر تاۋلىكتەن ارتىق ساقتالاتىندىعىن كورسەتتى. ءتيىستى مەملەكەتتىك تىركەۋدەن وتكەننەن كەيىن كۇزگە تامان «مەۇ اسەم» جشس-مەن بىرلەسىپ ءوندىرىستى بىردەن ىسكە قوسۋ جوسپارلانۋدا.
بۇگىنگى تاڭدا قازۇۋ عالىمدارى وزدەرى ازىرلەگەن مەديتسينالىق ماقساتتاعى بۇيىمداردى زارارسىزداندىرۋدىڭ رادياتسيالىق ءادىسىن, سونداي-اق پوليمەرلەر نەگىزىندەگى لاتەكستى قولعاپتاردى, ءبىر رەت قولدانىلاتىن دياگنوستيكالىق جيىنتىقتاردى وندىرۋگە ارنالعان جاڭا موديفيكاتسيالانعان ماتەريالدار مەن كومپوزيتتەردى سىناقتان وتكىزىپ وتىر.
قازۇۋ تەحنوپاركىنىڭ قىزمەتكەرلەرى جانۋ ماسەلەلەرى ينستيتۋتىنىڭ ارىپتەستەرىمەن بىرگە الماتى قالاسىنداعى مەديتسينالىق مەكەمەلەرگە وتەۋسىز بەرىلگەن ارنايى قورعانىش شلەمدەرىنىڭ توپتاماسىن جاساپ شىعاردى. شاعىن سەريالى ءوندىرىستى ۇيىمداستىرۋ بويىنشا جۇمىستار جۇرگىزىلۋدە.
#Bizbirgemiz رەسپۋبليكالىق قوزعالىسى جانە قازۇۋ ستۋدەنتتەرىنىڭ باستاماسىمەن وتكىزىلگەن ء«Qayىrymdy qogam» چەللەندجى شەڭبەرىندە ۋنيۆەرسيتەتتىڭ ۆولونتەرلەرى مەن وقىتۋشىلارى كوروناۆيرۋستىڭ تارالۋىنا قارسى كۇرەسكە تارتىلعان قىزمەت وكىلدەرىنە كومەك كورسەتۋ ءۇشىن قاراجات جيناپ, شاراعا بەي-جاي قارامايتىن, جاردەمدەسۋگە ءازىر ادامداردى تارتۋدا. ولار مەديتسينا قىزمەتكەرلەرىنە جانە بلوك بەكەتتەرىندەگى ىشكى ىستەر ورگاندارىنىڭ قىزمەتكەرلەرىنە ىستىق تاماق جەتكىزۋدى ۇيىمداستىردى. سونىمەن قاتار, ازىق-ت ۇلىك ونىمدەرى مەن جەكە قورعانۋ قۇرالدارى جەتىم بالالارعا ارنالعان «جانۇيا» ارنايى كەشەنىنە جانە ەلىنە بارۋعا مۇمكىندىگى جوق قازۇۋ-دىڭ شەتەلدىك ستۋدەنتتەرىنە بەرىلدى. ۋنيۆەرسيتەت ءوزىنىڭ 710 ورىندىق جاتاحقانالارىنىڭ ءبىرىن ۇسىنىپ, وندا الماتى قالاسىنىڭ مەديتسينالىق قىزمەتكەرلەرى ورنالاستىرىلدى.
كارانتين كەزىندە قازۇۋ قاشىقتىقتان وقىتۋ جۇيەسىنە تەز ءارى, ەش قيىندىقسىز اۋىستى. الەۋمەتتىك جاۋاپكەرشىلىك اياسىندا ۋنيۆەرسيتەت وقۋ ۇدەرىسىن سۇيەمەلدەۋ ءۇشىن قازۇۋ ازىرلەگەن «ۋنيۆەر» ساندىق جۇيەسىن قولداناتىن جوعارى وقۋ ورىندارىنا تەگىن قىزمەت كورسەتۋ جانە كەڭەس الۋ مۇمكىندىگىن بەردى. قازۇۋ قۇرعان moocs.kz بىرەگەي ساندىق ءبىلىم بەرۋ رەسۋرسى اسا تانىمالدىققا يە بولدى جانە بارلىق نيەت بىلدىرۋشىلەرگە تەگىن قول جەتىمدى.
COVID-19 بۇكىلالەمدىك پاندەمياسى ەلدەر اراسىندا پراكتيكالىق تاجىريبە مەن جاڭا عىلىمي-تەحنيكالىق ازىرلەمەلەرمەن ۋاقتىلى الماسۋ قاجەتتىلىگىن ايقىندادى. مەديتسينا جانە دەنساۋلىق ساقتاۋ فاكۋلتەتى كانادا مەن گەرمانيانىڭ جەتەكشى پۋلمونولوگتارى, ۆيرۋسولوگتارى جانە ەپيدەميولوگتارىمەن بىرلەسە وتىرىپ, كوروناۆيرۋستى ەمدەۋ, دياگنوستيكالاۋ جانە تارالۋىنىڭ الدىن الۋ تاجىريبەسى تۋرالى بەينەتۇسىرىلىمدەر سەرياسىن دايىندادى.
ەلىمىزدىڭ جەتەكشى ۋنيۆەرسيتەتى قيىن كەزەڭدى تەك بىرلەسە وتىرىپ قانا ەڭسەرۋگە بولاتىندىعىنا جانە ءاربىر ادامنىڭ قاۋىپتى ىندەتتىڭ تارالۋىنا قارسى تۇرۋعا ءوز قولىنان كەلەرلىك ۇلەس قوسۋى قاجەت ەكەندىگىنە سەنىمدى.
الماتى
