توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتابتىڭ حابارلاۋىنشا, جۇمىسشىلار تۇرعان ۆاحتالىق كەنتتە قاۋىپتى ىندەتتىڭ 17 وشاعى انىقتالىپتى. كەن ورنىنان 16 200 جۇمىسشى تۇرعىلىقتى مەكەنجايلارىنا جىبەرىلگەن. جاقىن كۇندەرى تاعى 800 ادامدى شىعارىلماق.
– قازىرگى ۋاقىتتا تەڭىز كەنىشىندەگى مەردىگەرلىك مەكەمەلەردەن 359 ادام ينفەكتسيا جۇقتىردى. ونىڭ 64-ءى جازىلىپ شىقتى. سوڭعى تاۋلىكتە مۇندا ىندەتكە شالدىققان 90 ادام تىركەلدى. ولار بۇرىن انىقتالعان ناۋقاستارمەن بايلانىستا بولعاندار,- دەدى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باس مامانى الماگۇل كوشكىنباەۆا.
