قۇلسارى قالاسىنداعى جۇمىسشىلارعا جاسالعان تەستتىك سىناقتىڭ قورىتىندىسى بويىنشا 12 مامىردا كەشكى ساعات 21:45-تە «جىلىويمۇنايگاز» مگوب-نىڭ ءبىر قىزمەتكەرىنەن كوروناۆيرۋس ينفەكتسياسىنىڭ بەلگىسى انىقتالدى. جىلىوي اۋداندىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا حابارلاندى. سول كۇنى ساعات تۇنگى 24:00-دە ناۋقاس ماماندىرىلعان ستاتسيونارعا كارانتينگە جاتقىزىلدى. ونىمەن بايلانىستا بولعان ادامداردىڭ بارلىعى انىقتالۋدا. جىلىوي اۋداندىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارمانىڭ كەلىسىمىمەن «جىلىويمۇانيگاز» مگوب-دا ۆاحتا اۋىسىمى جالعاساتىن بولادى.
قازىر «ەمبىمۇنايگاز» اق-نىڭ 1 120 قىزمەتكەرى پتر-تەست سىناعىنان ءوتتى. سونىمەن قاتار, ۆاحتالىق كەنتتەردىڭ قىزمەتىن قامتاماسىز ەتەتىن مەردىگەر مەن سەرۆيستىك مەكەمەلەردىڭ قىزمەتكەرلەرى دە مىندەتتى تۇردە تەست سىناعىنان وتۋدە. مامانداردى تەستتىك سىناقتان وتكىزۋ شاراسى كەستەگە ساي اتىراۋ قالاسى مەن جىلىوي اۋدانىنىڭ قۇلسارى قالاسىنداعى «وليمپ» دياگنوستيكالىق زەرتحاناسىندا ديستانتسيوندىق تالاپقا ساي جۇرگىزىلۋدە. وندىرىستىك قۇرىلىمدىق بولىمشەلەردىڭ جۇمىسشىلارىن تەستتەن وتكىزۋ ء ۇشىن جىلجىمالى زەرتحانا اققىستاۋ اۋىلى, ماقات, دوسسور كەنتتەرىندە, سونداي-اق, جامانسور ستانساسىندا ۇيىمداستىرىلۋدا.
