تج رەجيمى كەزىندە «سامۇرىق-ەنەرگو» اق-نىڭ ەكىباستۇز ەنەرگيا كەشەنىندەگى كاسىپورىنداردا كۆي-ءدىڭ 11 راستالعان جاعدايى تىركەلدى. بۇگىنگى تاڭدا 2 جۇمىسكەر ساۋىعىپ شىقتى, 272 ادام ءۇي جاعدايىنداعى كارانتيندە. بۇل جەردە ءسوز «بوگاتىر كومىر» جشس, «ب.نۇرجانوۆ اتىنداعى ەكىباستۇز گرەس-1» جشس جانە «ەكىباستۇز گرەس-2 ستانتسياسى» اق تۋرالى بولىپ وتىر.
بۇگىنگى تاڭدا ەلەكتر ەنەرگەتيكالىق حولدينگ - «سامۇرىق-ەنەرگو» اق-نىڭ ءوندىرۋشى, جىبەرۋشى جانە ءبولىپ-تاراتۋشى كومپانيالارى شتاتتىق رەجيمدە جۇمىس ىستەپ, تۇتىنۋشىلارعا ەلەكتر ەنەرگياسىن جەتكىزىپ بەرۋ جانە كومىر جونەلتۋ جونىندەگى وزدەرىنىڭ مىندەتتەمەلەرىن تولىعىمەن ورىنداۋدا. توتەنشە جاعداي رەجيمى كەزىندە, 2020 جىلعى ناۋرىز - 11 مامىر ارالىعىندا «سامۇرىق-ەنەرگو» اق- نىڭ ەلەكتر ستانتسيالارى وندىرگەن ەلەكتر ەنەرگياسىنىڭ كولەمى 4 984 109 مىڭ كۆتساعاتتى, سول كەزەڭدە ساتىلعان كومىردىڭ كولەمى 9 462 590 توننانى قۇرادى. گرەس-1, گرەس-2 جانە الەس تۇتىنۋشىلارعا 1 ملن. گكال. استام كولەمدە جىلۋ جىبەرىلۋىن قامتاماسىز ەتتى.
اياقتالعان توتەنشە جاعداي رەجيمى كەزىندە دە, بۇگىندەرى جالعاسىپ جاتقان كارانتين جاعدايىندا دا ەنەرگەتيكالىق كاسىپورىنداردا كوروناۆيرۋس ينفەكتسياسى تارقالۋىنا جول بەرمەۋ ءۇشىن مۇمكىن بولعان شارالاردىڭ ءبارى قولعا الىندى. بۇل ورايدا ەنەرگەتيكتەر تۇتىنۋشىلاردى ەلەكتر ەنەرگياسىمەن, جىلۋمەن جانە جىلى سۋمەن قامتاماسىز ەتۋ جونىندەگى وزدەرىنىڭ مىندەتىن تولىعىمەن ورىنداۋ ءۇشىن ستانتسيالاردىڭ شتاتتىق رەجيمدە جۇمىس ىستەۋىن قامتاماسىز ەتتى. ەندى ەنەرگەتيكتەر كارانتيننەن ابىرويمەن ءوتتى دەپ ايتۋعا بولادى.
كومىر ءوندىرۋشى اسا ءىرى كاسىپورىن «بوگاتىر كومىردە» 6500-دەن استام ادام جۇمىس ىستەيدى. تج رەجيمى كەزىندە 251 جۇمىسكەر ءۇي جاعدايىنداعى كارانتيندە بولدى. كەنشىلەردىڭ تياناقتى جۇمىس ىستەۋى ارقاسىندا كومىردىڭ ءوندىرىلۋى مەن جونەلتىلۋى شتاتتىق رەجيمدە ءوتتى. ۇيدە ورىنداي الاتىن قىزمەتكەرلەر قاشىقتان جۇمىس ىستەۋگە جىبەرىلدى. جۇمىس ورنىنا قاۋىپسىز جەتكىزۋ ءۇشىن قوسىمشا 16 اۆتوبۋس جۇمىلدىرىلدى.
ەكىباستۇز گرەس-2-دە جۇمىس پروتسەسىنىڭ ۇزىلمەۇىن قامتاماسىز ەتۋ ماقساتىندا, قاتەرلى توپقا جاتاتىن جۇمىسكەرلەردىڭ 12,4%- ءىن ۇيدە وقشاۋلاۋ ءۇشىن ولارعا دەمالىس كۇندەرى بەرىلدى; پەرسونال جەتىسپەگەندىكتەن جانە ۋاقىتشا اۋىستىراتىن ادام بولماعاندىقتان, ستانتسيانىڭ اۋىسىم باستىقتارى, سونداي-اق ەلەكتر تسەحى مەن حيميا تسەحى جۇمىسكەرلەرىنىڭ ءبىر بولىگى ءۇش اۋىسىمدى جۇمىسقا (دەمالىسسىز) كوشىرىلدى; پەرسونال ۇنەمى قىزمەت كورسەتۋگە ءتيىس وسال ۋچاسكەلەر مەن جابدىقتار ايقىندالدى; جەدەل جوندەۋدى جوسپارلاۋ جينالىستارى قاشىقتىق رەجيمىنە كوشىرىلدى.
ەكىباستۇز گرەس-1-دە جۇمىسكەرلەردىڭ ءومىرى مەن دەنساۋلىعىن قورعاۋ باعىتىنداعى ءىس-شارالار ازىرلەنىپ, جۇزەگە اسىرىلۋدا, «سانيتارلىق-ەپيدەمياعا قارسى كەشەندى ءىس-شارالار جوسپارى» قولدانىسقا ەنگىزىلدى. بۇگىندەرى 90 جۇمىسكەر كارانتيندە ءجۇر. پەرسونالدىڭ جەتىسپەۋشىلىگى ستانتسيا جۇمىسىنىڭ قۋاتتىلىعى مەن جۇمىس كەستەسىنە اسەر ەتپەدى. بۇل جاعداي
تەحنولوگيالىق پروتسەسكە دە اسەرىن تيگىزگەن جوق. ءوندىرۋ كولەمى «كەگوك» اق جو ۇدو-نىڭ كەستەلەرىنە ساي قامتاماسىز ەتىلۋدە.
«سامۇرىق-ەنەرگو» اق-نىڭ ءوندىرۋشى كومپانياسى - «الماتى ەلەكتر ستانتسيالارى» اق-دا (الەس) جۇمىسكەرلەردىڭ ءبىر بولىگى قالانىڭ سىرتىندا تۇرادى. ولاردىڭ ءبىرازى ءبىر كۇننىڭ ىشىندە قاشىقتان جۇمىس ىستەۋ رەجيمىنە كوشىرىلدى. تىكەلەي وندىرىسپەن بايلانىستى جانە جوندەۋ جۇمىستارىمەن اينالىساتىن, بىراق قالانىڭ سىرتىندا تۇراتىن جۇمىسكەرلەر قالادا ورنالاستىرىلدى. كومپانيا ولاردىڭ ءۇي جالداۋ شىعىستارىن وتەدى. كارانتين مەرزىمىندە, جۇمىسكەرلەردىڭ ءوتىنىشى بويىنشا, كومپانيانىڭ كاسىپوداعى بارلىعى بولىپ 200-دەن استام جالعا بەرۋشىمەن شارت جاساسىپ, قارجى اۋداردى.
