ايماقتار • 13 مامىر، 2020

اقمولادا بالاباقشالاردىڭ جۇمىسى قايتا جاندانۋدا

20 رەت كورسەتىلدى

ايماقتاعى مەكتەپكە دەيىنگى مەكەمەلەردىڭ بىرقاتارى 13-ءشى مامىردان باستاپ جۇمىسىن باستادى. 

وبلىستا مەكتەپكە دەيىنگى 262 ۇيىم بار. سونىمەن قاتار مەكتەپ جانىندا 353 شاعىن ورتالىق جۇمىس ىستەگەن. توتەنشە جاعدايدىڭ اياقتالۋىنا بايلانىستى 13-ءشى مامىردان باستاپ 151 بالاباقشادا كەزەكشى توپتار ءوز جۇمىسىن باستادى. دەگەنمەن بارلىق سانيتارلىق نورمالار قاتاڭ ساقتالۋى شارت.

– وبلىستىق ءبىلىم باسقارماسىمەن بىرلەسىپ وڭىردەگى مەكتەپكە دەيىنگى 151 مەكەمەنىڭ ءتىزىمىن جاسادىق. ازىرشە ءاربىر توپ بويىنشا بالا سانى 15-تەن اسپاۋى ءتيىس. سونداي-اق بالاباقشاعا باراتىن بالالاردىڭ دەنساۋلىعى تۋرالى انىقتاماسى بولۋى شارت، – دەيدى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءبولىم جەتەكشىسى زاۋرەش حابدۋللينا.  

بالاباقشالارعا ءبىرىنشى كەزەكتە اتا-انالارى جۇمىسقا باراتىن جانە ۇيدە جالعىز قالا المايتىن بالالار قابىلدانادى. مەديتسينا قىزمەتكەرى كۇنىنە ەكى رەت توپتاردى ارالاپ، بالالاردىڭ جاعدايىن باقىلاپ وتىرادى. ال بالاباقشاعا بارماعان بالعىنداردىڭ ورنى ساقتالادى جانە ولار نورماعا ساي تىركەۋدە تۇرادى.

– كوروناۆيرۋس تىركەلگەن اۋداندارداعى بالاباقشالار جۇمىس ىستەمەيدى. ول تسەلينوگراد اۋدانى تۇگەل، اقكول، ەگىندىكول جانە شورتاندى اۋدانىنداعى بوزايعىر اۋىلى، ارشالى اۋدانىنداعى ارشالى اۋىلىنداعى بالاباقشالار جۇمىسىن ءالى باستامايدى، – دەيدى وبلىستىق ءبىلىم باسقارماسى باسشىسىنىڭ ورىنباسارى بوتاگوز دۇيسەنوۆا.

ەلدەگى توتەنشە جاعداي اياقتالعانىمەن، كارانتين رەجيمى جالعاسا بەرەدى. سول سەبەپتى ەپيدەميولوگ ماماندار تۇرعىنداردى سانيتارلىق تالاپتاردى قاتاڭ ساقتاۋعا شاقىرادى.

سوڭعى جاڭالىقتار

COVID-19: كۇرەس شارالارىنا قارجى ءبولىندى

كوروناۆيرۋس • بۇگىن، 06:45

بەيقامدىقتان ارىلار ەمەس

قوعام • بۇگىن، 06:39

ءوندىرىس كولەمىن 5 ەسەگە ارتتىردى

تەحنولوگيا • بۇگىن، 06:36

ساقتىقتا قورلىق جوق

كوروناۆيرۋس • بۇگىن، 06:30

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار