«جۇمىسپەن قامتۋ 2020 جول كارتاسى» باعدارلاماسى حالىقتى جۇمىسپەن قامتۋ ماسەلەلەرىن جەدەل شەشۋ ماقساتىندا ازىرلەندى جانە قوسىمشا جۇمىس ورىندارىن قۇرۋعا, الەۋمەتتىك, ينجەنەرلىك-كولىكتىك ينفراقۇرىلىمدى جانە تۇرعىن ءۇي-كوممۋنالدىق شارۋاشىلىقتى دامىتۋ, ەلدى مەكەندەردى اباتتاندىرۋ بويىنشا ينفراقۇرىلىمدىق جوبالاردى ىسكە اسىرۋ ەسەبىنەن جۇمىسسىز ازاماتتار سانىنىڭ وسۋىنە جول بەرمەۋگە باعىتتالعان شارالار كەشەنىن انىقتايدى.
2020 جىلى قالا بويىنشا بارلىعى 214 ينفراقۇرىلىمدىق جوبانى ىسكە اسىرۋ جوسپارلانىپ وتىر, ونىڭ ىشىندە كەلەسى جۇمىس تۇرلەرى مەن وبەكتىلەر بويىنشا:
1. الەۋمەتتىك-مادەني وبەكتىلەردى كۇردەلى جانە اعىمداعى جوندەۋ, قايتا جاڭارتۋ بويىنشا;
2. تۇرعىن ءۇي-كوممۋنالدىق شارۋاشىلىق وبەكتىلەرىن كۇردەلى, ورتاشا جانە اعىمداعى جوندەۋ, قايتا جاڭارتۋ بويىنشا;
3. ينجەنەرلىك-كولىك ينفراقۇرىلىمىن كۇردەلى, ورتاشا جانە اعىمداعى جوندەۋ, قايتا جاڭارتۋ جانە سالۋ جونىندەگى جۇمىستاردى جۇرگىزۋ.
باعدارلاماعا كىمدەر قاتىسا الادى؟
حالىقتى جۇمىسپەن قامتۋ ورتالىعى قاجەتتى بىلىكتى مامانداردى ىرىكتەۋدى جۇزەگە اسىرادى جانە ينفراقۇرىلىمدىق جوبالاردى ىسكە اسىراتىن جۇمىس بەرۋشى-مەردىگەرلەرگە, ۋاقىتشا تىركەلگەن ادامداردى قوسا العاندا, وسى اۋداندا (قالادا) تۇراتىن جۇمىسسىزداردى جىبەرەدى, ال قاجەت بولعان جاعدايدا جۇمىس بەرۋشىلەردىڭ وتىنىمدەرى بويىنشا ءتيىستى جۇمىستاردى ورىنداۋ ءۇشىن كادرلاردى قايتا دايارلاۋدى قامتاماسىز ەتەدى. بۇل رەتتە 29 جاسقا دەيىنگى جاستاردى جۇمىسقا ورنالاستىرۋعا باسىمدىق بەرىلەدى.
«جۇمىسپەن قامتۋ 2020 جول كارتاسى» شەڭبەرىندە جۇمىسقا شىعۋعا دايىن ازاماتتارعا جۇمىس ورنىنا كەلگەننەن كەيىن بىردەن 2 ەتج نەمەسە 85 مىڭ تەڭگە مولشەرىندە "كوتەرمە اقى" بەرىلەتىن بولادى. ورنىنا ەمەس, تۇراقتى جالاقىعا قوسىمشا. بۇل رەتتە, ورتاشا جالاقى مولشەرى 120 000 تەڭگەنى قۇرايدى.
جۇمىسسىز الماتىلىقتار تۇراقتى جۇمىسقا ورنالاسۋ مۇمكىندىگىنە يە بولادى. ءبىرىنشى كەزەكتە جۇمىس مىسالى, مەكتەپتەر, اۋرۋحانالار نەمەسە تۇرعىن ۇيلەرى جوندەلىپ نەمەسە قۇرىلىسى جۇرگىزىلىپ جاتقان اۋداندا تۇراتىن ازاماتتارعا, مەملەكەتتىك قاراجات ەسەبىنەن بەرىلەدى.
تولىق اقپاراتتى الماتى قالاسى جۇمىسپەن قامتۋ ورتالىعى سايتىنىڭ WWW.CZ-ALMATY «دكز 2020» بولىمىنەن كورۋگە بولادى.
سۇراقتار بويىنشا مىنا تەلەفوندارعا حابارلاسۋعا بولادى: +7 (727) 224-20-00, 221-66-11.
ەلەكتروندىق پوشتا: centr_almaty@mail.ru
Telegram @enbek_almaty_bot
Instagram @centr_zanyatosti_almaty
Facebook @cznalmaty
كونتاكت @centr_zaniyatosti_almaty
Twitter @CZN_ALMATY
