ەلباسىنىڭ يگى باستامالارىنىڭ ءبىرى – استانا قالاسىندا الەمدىك جانە ءداستۇرلى دىندەر كوشباسشىلارىنىڭ فورۋمىن شاقىرۋ. وسى ۇسىنىس نەگىزىندە قازاقستان حالىقارالىق قۇقىق سۋبەكتىلەرىنىڭ اراسىندا العاشقىلاردىڭ ءبىرى بولىپ ءوزىنە جاۋاپكەرشىلىك جۇكتەدى. وسىلايشا, 2003 جىلى قازاقستان الەمدىك جانە ءداستۇرلى دىندەر كوشباسشىلارىنىڭ العاشقى سەزىن وتكىزىپ, الەم حالىقتارى اراسىندا رۋحاني جاقىنداسۋ ۇدەرىسىن باستاپ بەردى. وسى سەزدەن سوڭ يسپانيا مەن تۇركيانىڭ بىرلەسكەن باستاماسى بويىنشا وركەنيەتتەر اليانسى فورۋمى, مەككە حالىقارالىق مۇسىلماندار كونفەرەنتسياسى, مادريد حالىقارالىق فورۋمى جانە باسقا دا دىنارالىق, مادەنيەتارالىق جانە وركەنيەتارالىق كەلىسسوزدەر مەن جيىندار وتكىزىلە باستادى.
ەلباسىنىڭ يگى باستامالارىنىڭ ءبىرى – استانا قالاسىندا الەمدىك جانە ءداستۇرلى دىندەر كوشباسشىلارىنىڭ فورۋمىن شاقىرۋ. وسى ۇسىنىس نەگىزىندە قازاقستان حالىقارالىق قۇقىق سۋبەكتىلەرىنىڭ اراسىندا العاشقىلاردىڭ ءبىرى بولىپ ءوزىنە جاۋاپكەرشىلىك جۇكتەدى. وسىلايشا, 2003 جىلى قازاقستان الەمدىك جانە ءداستۇرلى دىندەر كوشباسشىلارىنىڭ العاشقى سەزىن وتكىزىپ, الەم حالىقتارى اراسىندا رۋحاني جاقىنداسۋ ۇدەرىسىن باستاپ بەردى. وسى سەزدەن سوڭ يسپانيا مەن تۇركيانىڭ بىرلەسكەن باستاماسى بويىنشا وركەنيەتتەر اليانسى فورۋمى, مەككە حالىقارالىق مۇسىلماندار كونفەرەنتسياسى, مادريد حالىقارالىق فورۋمى جانە باسقا دا دىنارالىق, مادەنيەتارالىق جانە وركەنيەتارالىق كەلىسسوزدەر مەن جيىندار وتكىزىلە باستادى.
بەيبىتشىلىك پەن تۇراقتىلىقتى ماقسات ەتكەن فورۋمدار ىشىندە استانا قالاسىندا ءۇش جىل سايىن وتەتىن الەمدىك جانە ءداستۇرلى دىندەر كوشباسشىلارىنىڭ سەزدەرى ەرەكشە ورىن الادى. بۇل فورۋمدار ارقىلى قازاقستان جەر-جاھاننىڭ ءتۇرلى دىندەرى مەن كونفەسسيالارى وكىلدەرىنىڭ باسىن قوسىپ, بەيبىتشىلىك پەن ءوزارا توزىمدىلىك قاعيدالارىن ناسيحاتتايتىندىعىن ولاردىڭ ءوز اۋىزدارىمەن ايتقىزدى.
الەمدىك جانە ءداستۇرلى دىندەر كوشباسشىلارىنىڭ سەزدەرىن ۇيىمداستىرۋ جانە وتكىزۋ ارقىلى حالىقتار مەن ءدىني كوزقاراستاردى جاقىنداستىرۋعا, سول بويىنشا بەيبىتشىلىك قۇندىلىقتارىن قالىپتاستىرۋعا جاساعان قادامى ءۇشىن الەم قاۋىمداستىعى قازاقستانعا جانە ونىڭ باسشىسى نۇرسۇلتان نازارباەۆقا جوعارى باعا بەردى. بۇل – ءبىزدىڭ مەملەكەت ءۇشىن ابىروي ءارى بيىك مارتەبە.
ەندى قازىرگى ءبىزدىڭ XXI عاسىردا الەمدىك جانە ءداستۇرلى دىندەر كوشباسشىلارىنىڭ سەزدەرى الەمگە جانە قازاقستانعا نە بەردى دەگەنگە كەلسەك, وسى حالىقارالىق دەڭگەيدەگى ءىس-شارا دىنارالىق جانە وركەنيەتارالىق كەلىسسوزدەردى العا جىلجىتۋ بويىنشا العاشقى سامميتتەردىڭ ءبىرى بولدى. سەزد رۋحاني قۇندىلىقتاردىڭ جاھاندىق ءوزارا كىرىگۋ, ادامدار ساناسىندا ادامزاتتىق ءداستۇرلى دىندەرىنىڭ قاسيەتتى يدەالدارىن ناسيحاتتاۋ مەن نىعايتۋ ۇدەرىسىنىڭ ەلەۋلى قوزعالتقىشتارىنىڭ بىرەگەيى بولا ءبىلدى.
سەزد جۇمىسىنىڭ جەمىستى ناتيجەسى رەتىندە استانادا بەيبىتشىلىك جانە كەلىسىم سارايىنىڭ سالىنۋى, سەزد حاتشىلىعى جۇمىس توبىنىڭ قىزمەتىن اتقاراتىن ءارى دىنارالىق جانە مادەنيەتارالىق ۇنقاتىسۋدى دامىتۋعا باعىتتالعان كوپتەگەن حالىقارالىق دەڭگەيدەگى ءىس-شارالاردىڭ ۇيىتقىسى بولىپ وتىرعان مادەنيەتتەر مەن دىندەردىڭ حالىقارالىق ورتالىعىنىڭ قۇرىلۋى – قازاقستاننىڭ وركەنيەتارالىق جانە دىنارالىق ۇنقاتىسۋ ماسەلەلەرىن عالامدىق دەڭگەيدە تالقىلاۋدى جالعاستىرا بەرۋگە مۇددەلى ەكەندىگىن كورسەتەدى. مۇنىڭ ايعاعى رەتىندە قازاقستان ەقىۇ جانە يىۇ-نى «باتىس-شىعىس» ۇنقاتىسۋ الاڭىن كەڭەيتۋگە جانە الەم ەلدەرىنىڭ مەملەكەت باسشىلارى مەن باق-تى وسى ورتاق ىسكە بەلسەندى قولداۋ كورسەتۋگە ۇندەپ وتىر.
سەزدەر شەڭبەرىندە ءتۇرلى دىندەر مەن كونفەسسيالار وكىلدەرى اراسىندا بايلانىس نىعايدى, بۇل ءبىزدىڭ ورتاق ءۇيىمىز – جەر شارىندا بەيبىت قاتار ءومىر ءسۇرۋ مەن ۇيلەسىمدىلىكتىڭ باستى قۇراۋشىلارى بولىپ تابىلاتىن ءدىني قاۋىمداستىقتار اراسىندا سەنىم مەن ءوزارا قۇرمەتتىڭ ارتۋىنا كومەكتەستى. وسىلايشا قازاقستان الەمدىك قوعامداستىقتا قۇرمەت پەن قولداۋعا يە بولدى.
بەرىك قاۋىس,
ءدىن ىستەرى اگەنتتىگى مادەنيەتتەر مەن
دىندەردىڭ حالىقارالىق ورتالىعىنىڭ
اعا عىلىمي قىزمەتكەرى.
