ايماقتار • 12 مامىر، 2020

شىعىس قازاقستان: «ADAL KÓMEK» تەگىن قۇقىقتىق كومەك كورسەتەدى

1263 رەت كورسەتىلدى

جەر، سالىق، تۇرعىن-ءۇي، جەڭىلدىكپەن نەسيە الۋ سىندى تاقىرىپتار تولعاندىرادى ەكەن.

«ەرىكتىلەر جىلى» اياسىندا ازاماتتاردىڭ قۇقىقتىق ساۋاتتىلىقتارىن ارتتىرۋ ماقساتىندا سىبايلاس جەمقورلىققا قارسى ءىس-قيمىل اگەنتتىگىنىڭ باستاماسىمەن «ADAL KÓMEK» جوباسى جۇزەگە اسىرىلۋدا. ءبىزدىڭ وبلىستا ءوڭىر تۇرعىندارىنا ازاماتتىق جانە قىلمىستىق قۇقىق سالاسىنداعى زاڭگەرلەر، ادۆوكاتتار مەن نوتاريۋستار كەڭەس بەرۋدە. ايماقتاعى  قالا جانە اۋدان اكىمدىكتەرىنىڭ، باسقارمالاردىڭ زاڭگەرلەرى دە وسى اكتسياعا بەلسەندى قاتىسۋدا. ماماندار كەڭەسىنە جۇگىنگەن جۇرتشىلىقتىڭ باسىم كوپشىلىگىن الەۋمەتتىك سالاعا قاتىستى، ونىڭ ىشىندە جەر، سالىق، تۇرعىن-ءۇي، جەڭىلدىكپەن نەسيە الۋ سىندى تاقىرىپتار تولعاندىرادى ەكەن.

«16 ناۋرىزدان ەلىمىزدە توتەنشە جاعداي رەجيمى ەنگىزىلۋىنە بايلانىستى «ADAL KÓMEK» جوباسى اياسىنداعى كەڭەس بەرۋلەر ونلاين رەجيمدە جۇرگىزىلۋدە. اپتا سايىن وبلىستىق سىبايلاس جەمقورلىققا قارسى قىزمەتىنىڭ «انتيكور ورتالىعىندا» وبلىستىق زاڭگەرلىك كونسۋلتانتتار پالاتاسىنىڭ زاڭگەرلەرىمەن بىرلەسە تىكەلەي ەفيردە تۇرعىندار ءجيى ساۋالدار قوياتىن زاڭداردىڭ نورمالالارى تۇسىندىرىلۋدە. اتاپ ايتساق، زاڭگەر ماكسيم كۋزنەتسوۆ جەر كودەكسىنىڭ نورمالارىن: جەر تەلىمدەرىن الۋ، راسىمدەۋ جانە اۋىل شارۋاشىلىعى ماقساتىنداعى جەرلەردى ءتيىمدى پايدالانۋ ماسەلەلەرىن تۇسىندىرسە، ادۆوكات يۋليا فەدچەنكو ەڭبەك كودەكسىنە قاتىستى: ەڭبەك شارتتارىن جاساسۋ جانە بۇزۋ، جەكە جانە ۇجىمدىق ەڭبەك داۋلارى پايدا بولعان كەزدە كەلىسۋ كوميسسياسىنىڭ جۇمىسى، ەڭبەك جاعدايلارىنىڭ وزگەرۋى، ەڭبەكاقى تولەۋ، قىزمەتكەردىڭ كەلىسىمىسىز ەڭبەكاقىسىنان ۇستاپ قالۋ، جىل سايىنعى ەڭبەك دەمالىسىن ءبولىپ بەرۋ تۋرالى تۇسىنىكتەمە بەردى. سونداي-اق، باق-تارداعى، الەۋمەتتىك جەلىلەردەگى اقپاراتتارعا سايكەس ەلىمىزدە ورىن العان جاعدايعا بايلانىستى ياعني كارانتين رەجيمى باستالعاننان بەرى ۇيدەگى زورلىق-زومبىلىق وقيعالارىنىڭ سانى ارتقاندىعى بايقالادى. وسىعان بايلانىستى بەلگىلى ادۆوكات ايمان ۋماروۆا جانە وبلىستىق زاڭگەرلىك كونسۋلتانتتار پالاتاسىنىڭ ءتورايىمى التىناي ارينوۆا "تۇرمىستىق زورلىق-زومبىلىقتىڭ الدىن الۋ تۋرالى" زاڭى بويىنشا وبلىس تۇرعىندارىنا تەگىن قۇقىقتىق كەڭەس بەردى. قالالىق جانە اۋداندىق اكىمدىكتەردىڭ زاڭگەرلەرى دە جوبا اياسىندا جۇيەلى جۇمىستار جۇرگىزۋدە. تۇرعىندارعا ماسەلەلەرىن شەشۋدە قۇقىقتىق كەڭەس بەرۋمەن قاتار، زاڭداردىڭ نورمالالارىن ءتۇسىندىرۋ بويىنشا ۆيدەوروليكتەر دايىندالدى. قۇقىقتىق ساۋاتتىلىقتى ارتتىرۋعا باعىتتالعان ءتۇسىندىرۋ جۇمىستارىنىڭ ناتيجەسىندە تۇرعىندار تۇيتكىلدى سۇراقتارىنا جاۋاپ الدى. «ادال كومەك» اكتسياسى الداعى ۋاقىتتا جالعاسادى» دەيدى سىبايلاس جەمقورلىققا قارسى ءىس-قيمىل اگەنتتىگىنىڭ وبلىس بويىنشا دەپارتامەنتىنىڭ باسشىسى ەرلان جالماعامبەت.

 وسكەمەن

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار