ۇزىندىعى 5,3 كم قۇرايتىن ارىنوۆ, ساڭكىباي باتىر, ماڭگىلىك ەل كوشەلەرىنە قايتا جاڭعىرتۋ جۇمىسى جۇرگىزىلۋدە. ول ءۇشىن 2,133 ملرد تگ بولىنگەن. ال135,3 كم جولعا كۇردەلى جانە ورتا جوندەۋ جۇرگىزىلەدى. ول ءۇشىن 11,337 ملرد قارالعان. ز كم جول جاڭادان سالىنادى. جالپى 2020 جىلى جۇمىسپەن قامتۋ جول كارتاسى شەڭبەرىندە قالا جانە قالا شەتىندەگى كولەمى 171 كم بولاتىن ەلدىمەكەندەردىڭ جولدارىن جوندەۋگە رەسپۋبليكالىق بيۋدجەتتەن 13,9 ملرد تگ ءبولىنۋ جوسپارلانعان.
بۇل ءوز كەزەگىندە 2170 جۇمىس ورىندارىنىڭ اشىلۋىنا مۇمكىندىك بەرەدى. قازىرگى تاڭدا مەملەكەتتىك ساتىپ الۋ كونكۋرسىنان وتكەن «پروگرەسس كز», «اقتوبەكاپرەمستروي», «اسسانا-دورستروي», «ەرحاتجولدارى», «ينتەحتسەنترلتد», «Aqto'be Qurylys Engineering» جشس-گى مەردىگەر مەكەمەلەر جوندەۋ جۇمىستارىمەن اينالىسۋدا. مەملەكەتتىك ساتىپ الۋ پروتسەسسى مامىر ايىنىڭ ورتاسىندا تولىق اياقتالادى. سول ۋاقىتتا وزگە دە مەردىگەر مەكەمەلەر بەلگىلى بولماق. اتالعان جولدارعا جاياۋ جۇرگىنشىلەرگە ارنالعان تروتۋار, ۆەلوجولدار, Led جارىقتاندىرۋ, كوگالدى ءشوپ توسەۋ سىندى شارالار جاسالادى. ساڭكىباي باتىر كوشەسىندەگى جوندەۋ جۇمىستارى ءبىر جاق بەتىندە جۇرگىزىلىپ, ەكىنشى جاعىنان اۆتوكولىكتەردىڭ جۇرۋىنە مۇمكىندىك بەرىلگەن.
الايدا جۇمىستىڭ تىم باياۋ ءجۇرىپ جاتقانى دا بايقالادى. بۇل ءۇشىن ساڭكىباي باتىر داڭعىلىنان كولىكتەردىڭ ءجۇرۋىن توقتاتۋ جۇمىستى قارقىنداتۋ جۇمىستارى تۋىنداپ وتىر. ايتىپ وتەيىك, بۇعان دەيىن سۋاعار جۇيەسى بوكەنباي باتىر كوشەسىنىڭ ءبىر جاق بەتىندە عانا بولاتىن, ورتاشا جوندەۋ جۇمىسى بارىسىندا سۋاعار ەكىنشى جاعىنا دا سالىناتىن بولادى. بۇل ءوز كەزەگىندە جاڭبىر, قاردان جينالعان سۋدىڭ اعىپ كەتۋىنە مۇمكىندىك بەرىپ, جولدىڭ ۇزاق ساقتالۋىنا سەپتىگىن تيگىزەدى. جولداردىڭ ساپاسى «جول اكتيۆتەرىنىڭ ۇلتتىق ساپا ورتالىعى» مەكەمەسى ماماندارىنىڭ قاتاڭ باقىلاۋىندا. جىلجىمالى زەرتحانا تەحنولوگيانىڭ ساقتالۋىن تەكسەرەدى.
