ء– بىلىم جانە عىلىم مينيسترلىگى تاراپىنان ۇبدق (ۇلتتىق ءبىلىم بەرۋ دەرەكتەر قورى) جۇيەسىن جاڭارتۋ بويىنشا جۇرگىزىلگەن جۇمىستار اياقتالۋعا جاقىن.
ەندى بارلىق وزەكتى اقپارات بىرىڭعاي بازادا جيناقتالادى, سوندىقتان قاجەتتى مالىمەت الۋ ءۇشىن ساۋال حاتتار جىبەرىپ, جاۋاپ كۇتۋگە ۋاقىت شىعىنداماۋعا بولادى. مەملەكەتتىك قۇرىلىمداردان (اكىمدىكتەر, ءبىلىم بەرۋ, پوليتسيا بولىمدەرى, سانيتارلىق-ەپيدەميولوگيالىق قىزمەت, ۇەۇ, بىلىكتىلىكءتى ارتتىرۋ ينستيتۋتتارى مەن ادىستەمەلىك كابينەتتەر جانە ت.ب.) كەلىپ تۇسەتىن كوپتەگەن ساۋالدارعا جاۋاپ دايىنداۋ قاعازباستىلىقتان ارىلۋعا مۇمكىندىك بەرمەيدى جانە ۋاقىت شىعىنىن تالاپ ەتەدى, – دەدى مينيستر.
ا.ايماعامبەتوۆتىڭ ايتۋىنشا, بالانىڭ بالاباقشاداعى, كەيىن مەكتەپتەگى, كوللەدج نەمەسە جوو-داعى ۇلگەرىمى جايلى اقپارات, ءبىلىم بەرۋ مەكەمەلەرىندەگى تولىق مالىمەت بازادا قامتىلادى. سوندىقتان مەكتەپ باسشىلارىنا ساۋال حاتتارعا جاۋاپ بەرۋگە ۋاقىت جۇمساۋدىڭ ەندى قاجەتى جوق.
ء– بىز ءبىلىم بەرۋ بولىمدەرى مەن باسقارمالارىنا اقپارات قاجەت بولعان جاعدايدا ءبىلىم بەرۋ مەكەمەلەرىنە ساۋال جولداۋعا تيىم سالدىق. دەگەنمەن, ءالى كەيبىر ماماندار قاجەت مالىمەتتى ۇبدق-دان العاننان گورى مەكتەپتەرگە ساۋال حات جىبەرۋدى وڭاي كورەدى. بىراق, بۇل ادەتتەن ارىلۋ قاجەت. جاڭا ەرەجەلەردى ەلەمەيتىندەرگە اكىمشىلىك جانە تارتىپتىك سيپاتتاعى شارالار قولدانىلادى, – دەدى ۆەدومستۆو باسشىسى.
