سونداي-اق ەڭ تومەنگى جانە ودان تومەن زەينەتاقى الاتىن جانە جالعىزباستى زەينەتكەرلەر, اسكەري, قۇقىقتىق قىزمەت بارىسىندا قازا تاپقان ادامداردىڭ وتباسىلارى. وسىلايشا ۇكىمەت 1 ميلليون 600 مىڭ تۇرعىننىڭ ءساۋىر-مامىر ايلارىنداعى, ياعني توتەنشە جاعداي رەجيمى كەزىندەگى كوممۋنالدىق قارىزىن وتەۋ ءۇشىن بيۋدجەتتەن 50 ميلليارد تەڭگەگە جۋىق قارجى ءبولدى.
ال كوكشەتاۋدا مۇنداي جەڭىلدىكتى 11446 ادام الادى دەپ كۇتىلۋدە. ول ءۇشىن اتالعان ساناتقا جاتاتىندار ەلەكتروندى پورتال ارقىلى ءوتىنىش جىبەرۋلەرى كەرەك. نەمەسە جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ بولىمىنە كەلۋلەرى قاجەت. قازىرگى ۋاقىتتا تۇرعىنداردان وتىنىشتەر قابىلدانۋدا. بىراق اتالعان وزگەرىستەر كوكشەتاۋدا ءالى ەنگىزىلمەگەن.
– ناقتى ەرەجە ەنگىزىلىپ, وزگەرىستەر مەن تولىقتىرۋلار ءالى كەلىپ تۇسكەن جوق. الدىنداعى ەرەجە بويىنشا وسى ساناتقا كىرەتىندەردىڭ جەكە كوممۋنالدىق ەسەپشوتتارى بولۋى كەرەك,–دەيدى قالالىق جۇمىسپەن قامتۋ ءبولىمى جەتەكشىسىنىڭ ورىنباسارى ايدارحان سادۋاقاسوۆ.
قامقورلىق شارادان ەشكىم دە قاعىس قالمايدى.
