«11-سىنىپ تۇلەكتەرىنە اتتەستات 3-4 ماۋسىمدا تاپسىرىلادى. جىل سايىن بۇل ءىس-شارا ماۋسىم ايىنىڭ ورتاسىندا وتكىزىلەتىن. بىراق مەكتەپ بىتىرۋشىلەرى ءۇشىن قورىتىندى اتتەستاتتاۋ ەمتيحاندارى وتكىزىلمەيتىنىن جانە ۇبت-عا قاشىقتان دايىندالۋ قاجەتتىلىگىن ەسكەرە وتىرىپ, بۇل ءىس-شارانى ماۋسىم ايىنىڭ باسىندى وتكىزۋ تۋرالى شەشىم قابىلدادىق. ءىس-شارا اياسىندا سالتاناتتى تۇردە اتتەستاتتار تاپسىرىلىپ, 11-سىنىپ تۇلەكتەرى ءۇشىن سوڭعى قوڭىراۋ سوعىلادى», دەدى ش.كارينوۆا.
مينيسترلىك اتالعان ءىس-شارانىڭ مىندەتتى تۇردە مەكتەپ اۋماعىندا, اشىق اۋادا, قوناقتارسىز, تەك تۇلەكتەردىڭ قاتىسۋىمەن جانە سانيتارلىق نورمالاردى ساقتاي وتىرىپ ءوتۋى ءتيىس ەكەنىن جانە اتتەستات تاپسىرۋ راسىمىنە مەكتەپ فورماسىندا كەلۋ ۇسىنىلاتىنىن مالىمدەدى.
ۆەدومستۆو سونداي-اق, سالتاناتتى جيىننان كەيىن ەكولوگيا, گەولوگيا جانە تابيعي رەسۋرستار مينيسترلىگىمەن بىرلەسىپ, اعاش وتىرعىزۋ اكتسياسىن وتكىزۋ جوسپارلانىپ وتىرعانىن حابارلادى. كەيىنگى جىلدارى مۇنداي اكتسيا ءداستۇرلى تۇردە 25 مامىرعا وراي ۇيىمداستىرىلادى.
