اتىراۋ جانە ماڭعىستاۋ وبلىستارىنىڭ ارداگەرلەرى ءۇشىن 20 سىيلىق سەرتيفيكاتى دايىندالىپتى. ەلەكتروندىق سەرتيفيكاتتار تەك قانا سەرتيفيكات الۋشى بىلەتىن بىرەگەي كودپەن قورعالىپتى. سەرتيفيكات كۋالىكتى كورسەتكەن كەزدە عانا جارامدى بولادى. NCOC كومپانياسى باسقارۋشى ديرەكتورىنىڭ ورىنباسارى ەرمەك ماراباەۆ ەلەكتروندى سەرتيفيكاتتاردى اتىراۋ جانە ماڭعىستاۋ وبلىستىق ارداگەرلەر كەڭەسىنىڭ توراعالارى قاتيموللا ريزۋانوۆ پەن سەرىكباي تولەتوۆكە تاپسىردى.
– ءبىز 75 جىل بويى اشتىق پەن جوقتىق تاۋقىمەتىن كورمەي, اشىق اسپان استىندا ءومىر ءسۇرىپ, ەڭبەك ەتۋدەمىز. بۇل جەڭىس بىزگە قىمباتقا ءتۇستى. مايدانگەرلەرىمىز ەرلىگىمەن, قايسارلىعىمەن وتاندى قورعاۋدى, ءسۇيۋدى كورسەتتى. بيىل وكىنىشكە وراي, كارانتين شەكتەۋلەرىنە بايلانىستى, ارداگەرلەرىمىزبەن جۇزدەسە المادىق. دەسەك تە, ءبىز NCOC كومپانياسى اتىنان ءار ارداگەرگە سىيلىق رەتىندە 750 000 تەڭگە تۇراتىن سەرتيفيكات دايىندادىق, - دەدى ەرمەك ماراباەۆ.
