توتەنشە جاعداي رەجيمىن قامتاماسىز ەتۋ جونىندەگى وڭىرلىك جەدەل شتابتىڭ حابارلاۋىنشا, 10 مامىردا تەڭىز كەنىشىنەن 135 جۇمىسشى باتىس قازاقستان وبلىسىنا جول ءجۇرۋى جوسپارلانعان ەكەن. اتىراۋ وبلىسىنىڭ باس مەملەكەتتىك سانيتارلىق دارىگەرىنىڭ جاڭا قاۋلىسىنا سايكەس, تەڭىز كەنىشىندە جۇمىس ىستەيتىن وزگە ءوڭىردىڭ تۇرعىندارى پتر-تەستىلەۋدەن تۇرعىلىقتى مەكەنجايىندا ءوتۋى ءتيىس. سايكەسىنشە سول وڭىردە كارانتيندىك ستاتسيونارعا وقشاۋلانۋى قاجەت.
«الايدا, كەشە تەڭىز كەنىشىندەگى 135 جۇمىسشى ءۇشىن باتىس قازاقستان وبلىسىنداعى كارانتيندىك ستاتسيوناردا بوس ورىننىڭ جەتىسپەيتىندىگى بەلگىلى بولدى. سول سەبەپتەن, تەڭىز كەنىشىنىڭ باسشىلىعى باتىسقازاقستاندىق 135 جۇمىسشىنى اتىراۋ قالاسىندا ەكى كۇنگە ۋاقىتشا ورنالاستىرۋعا شەشىم قابىلدادى. بقو-نىڭ كارانتيندىك ستاتسيونارىندا ورىن بوساعاسىن, سول وڭىرگە جەتكىزىلەتىن بولادى»,- دەپ حابارلادى وڭىرلىك جەدەل شتابتان.
