جۋىردا ءبىرىنشى دۇنيەجۇزىلىك سوعىس جىلدارىندا تۇتقىندا بولىپ, سول ءبىر اۋىر كەزەڭنىڭ ازاپتى كۇندەرىن باسىنان وتكەرگەن حاسان يسكاك ۇلى ابدۋللاتيپوۆ دەگەن ازاماتتىڭ حاتتارى تابىلدى. 1916 جىلى جازىلعان بۇل حاتتار سارعايىپ, كونەرسە دە جاقسى ساقتالىپتى. سەمەي قالاسى, پوپوۆسكايا كوشەسى, 8-ءۇيدە تۇراتىن اناسىنا جولدانعان حاتتارداعى مارجانداي جازۋلار انىق وقىلادى:
جۋىردا ءبىرىنشى دۇنيەجۇزىلىك سوعىس جىلدارىندا تۇتقىندا بولىپ, سول ءبىر اۋىر كەزەڭنىڭ ازاپتى كۇندەرىن باسىنان وتكەرگەن حاسان يسكاك ۇلى ابدۋللاتيپوۆ دەگەن ازاماتتىڭ حاتتارى تابىلدى. 1916 جىلى جازىلعان بۇل حاتتار سارعايىپ, كونەرسە دە جاقسى ساقتالىپتى. سەمەي قالاسى, پوپوۆسكايا كوشەسى, 8-ءۇيدە تۇراتىن اناسىنا جولدانعان حاتتارداعى مارجانداي جازۋلار انىق وقىلادى:
«زدراستۆۋيتە دوروگايا ماماشا ي سەسترا گۋلچيرە. يا ۆام پوسىلايۋ نيزكىي پوكلون» دەپ باستالاتىن ساعىنىش حاتتارىنىڭ جالپى سانى توعىز. سونىمەن قاتار, حاتتىڭ سول جاق بۇرىشىنا «ۆسكرىتو ۆوەننويۋ تسەنزۋروي. گ.پەتروگراد. ۆوەننىي تسەنزور №337» دەگەن بۇرىشتاما سوعىلىپتى.
– حاتتارمەن قوسا, ابدۋللاتيپوۆ دەگەن ازاماتتىڭ ءار جىلداردا جۇمىس ىستەگەن جەرىنەن الىنعان انىقتامالارى مەن ەسەپ كىتاپشاسى دا بار, سوعان قاراعاندا, بۇل ازامات سوعىستان امان-ەسەن كەلىپ, سەمەي جەرىندە الۋان ءتۇرلى جۇمىس ىستەگەن, – دەيدى «شاكارىمتانۋ» ورتالىعىنىڭ ديرەكتورى ا. سماعۇلوۆا.
حاتتار مەن قۇجاتتاردى تاپسىرۋشى سەمەي قالاسىنىڭ تۇرعىنى ع.ءتۇسىپوۆتىڭ ايتۋىنشا, ولاردى ول سەمەي قالاسىنداعى ەسكى باسپاحانا ورنىنان تاۋىپ العان كورىنەدى. وسىدان 97 جىل بۇرىن جازىلعان حاتتار سەمەي قالاسىنىڭ شاكارىم اتىنداعى مەملەكەتتىك ۋنيۆەرسيتەتى مۇراجايىنىڭ كونە جادىگەرلەرىنىڭ قاتارىنان ورىن الارى ءسوزسىز.
قازىر مۇراجاي ماماندارى حاتتار مەن قۇجاتتاردىڭ تاريحي دەرەككوزدەرىن جان-جاقتى ىزدەستىرۋدە.
راۋشان نۇعمانبەكوۆا.
سەمەي.
