ۇلى اقىن ءھام اعارتۋشىنىڭ 175 جىلدىعىنا ارنالعان ونلاين باسقوسۋعا وتاندىق جانە شەتەلدىك ابايتانۋشى عالىمدار مەن عىلىمي-زەرتتەۋ مەكەمەلەرىنىڭ قىزمەتكەرلەرى قاتىسادى.
قىزدار ۋنيۆەرسيتەتىنىڭ قازاق ادەبيەتى كافەدراسىنىڭ مۇرىندىق بولۋىمەن ۇيىمداستىرىلاتىن كونفەرەنتسيا جۇمىسى ءۇش سەكتسيا بويىنشا جۇرگىزىلمەك. اتاپ ايتقاندا, جيىن قاتىسۋشىلارى «ابايدىڭ ادەبي مۇراسى: تاريحى جانە زەرتتەلۋى», «اباي دانالىعى جانە ۇلتتىق رۋحاني قۇندىلىقتار» جانە «ابايتانۋ» ءپانىن وقىتۋدىڭ وزەكتى ماسەلەلەرى» باعىتتارى بويىنشا كەلەلى ويلارىمەن ءبولىسىپ, باياندامالار جاسايدى.
– كونفەرەنتسيانىڭ باستى ماقساتى – الەمدىك دەڭگەيدە تانىلعان ۇلى اقىن مۇرالارىنداعى ءاربىر ءسوزدى ساناعا ءسىڭىرۋ, بارشا وتانداستارىمىزدىڭ جانە تۇركى حالىقتارىنىڭ بويىندا ۇلتتىق رۋحاني قۇندىلىقتاردى قالىپتاستىرۋ. سونىمەن قاتار ادامزاتتىڭ اقىلمانىنا اينالعان ويشىلدىڭ شىعارماشىلىق مۇراسىن دا دارىپتەۋدى كوزدەپ وتىرمىز. حاكىمنىڭ دانا ويلارى مەن پوەزياسى الەمدىك ادەبي قازىناعا قوسىلعان تەڭدەسسىز بايلىق ەكەنىن تاعى دا دالەلدەگىمىز كەلەدى, – دەيدى قازاق ادەبيەتى كافەدراسىنىڭ مەڭگەرۋشىسى بولاتحان سارباسوۆ.
جيىندا «ەۋرازيا پەرسپەكتيۆاسى» كومپانياسىنىڭ پرەزيدەنتى زيفا-الۋا اۋەزوۆا, تۇركيانىڭ مۋگلا سىتكى كوچمان ۋنيۆەرسيتەتىنىڭ پروفەسسورى يكرام ايان, پولشانىڭ ۆارشاۆا ۋنيۆەرسيتەتىنىڭ دوكتورانتى جاندوس كارينباەۆ, م.اۋەزوۆ اتىنداعى ادەبيەتجانە ونەر ينستيتۋتىنىڭ ابايتانۋ جانە جاڭا ءداۋىر ادەبيەتى ءبولىمىنىڭ مەڭگەرۋشىسى سەرىكقازى قوراباي, ابايدىڭ «جيدەباي-بورىلى»مەملەكەتتىك تاريحي-مادەنيجانە ادەبي-مەموريالدىققورىق-مۋزەيىنىڭ ديرەكتورى شانباي تۇردىقۇل, س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ ابايتانۋ عىلىمي-زەرتتەۋ ينستيتۋتىنىڭ ديرەكتورى ايجان كارتاەۆا, قازاق ۇلتتىق قىزدار پەداگوگيكالىق ۋنيۆەرسيتەتىنىڭ پروفەسسورى, ابايتانۋشى عالىم رۋدا زايكەنوۆا جانە تاعى دا باسقا ىزدەنۋشىلەر تاقىرىپ توڭىرەگىندە مازمۇندى وي ايتىپ, پايىمدى پىكىر بىلدىرمەك.
سونداي-اق كونفەرەنتسياعا تۇركيانىڭ ەگە ۋنيۆەرسيتەتى, ءال-فارابي اتىنداعى قازاق ۇلتتىق ۋنيۆەرسيتەتى, اباي اتىنداعى قازاق ۇلتتىق پەداگوگيكالىق ۋنيۆەرسيتەتى, سۋلەيمان دەميرەل اتىنداعى ۋنيۆەرسيتەت, شاكارىم اتىنداعى سەمەي مەملەكەتتىك ۋنيۆەرسيتەتى, ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى, قورقىت اتا اتىنداعى قىزىلوردا مەملەكەتتىك ۋنيۆەرسيتەتى, ارقالىق مەملەكەتتىك پەداگوگيكالىق ينستيتۋتى, ح. دوسمۇحامەتوۆ اتىنداعى اتىراۋ مەملەكەتتىك ۋنيۆەرسيتەتى, «قاينار» اكادەمياسى جانە ەۋرازيا گۋمانيتارلىق ينستيتۋتىنىڭ وقىتۋشىلارى مەن جاس ىزدەنۋشىلەرى قاتىسادى.
– اباي مۇراسى رۋحاني قۇندىلىقتاردىڭ قاينار كوزى, ۇلتتىق سانانى جاڭعىرتۋدىڭ نەگىزى. ابايدىڭ شىعارمالارىن ۇلىقتاۋ ماقساتىندا مۇنداي شارالاردىڭ وتكىزىلۋى – زاماناۋي قازاق ەلىنىڭ دامۋىنا جول اشپاق. حاكىمنىڭ 175 جىلدىق مەرەيتويىن جوعارى ۇيىمداستىرۋشىلىق جانە مازمۇندىق دەڭگەيدە مەرەكەلەۋدى قامتاماسىز ەتۋ – ۋاقىت تالابى, – دەيدى كونفەرەنتسيا ۇيىمداستىرۋشىلارى
الماتى
