وبلىس ورتالىعىنىڭ پەريمەترى بويىنشا ورنالاسقان بلوك-بەكەتتەر جۇمىس ىستەۋىن جالعاستىرادى. بۇرىن قابىلدانعان كىرىپ-شىعۋ ەرەجەلەرى ساقتالىپ, جۇمىسقا بارۋ رۇقسات العان كاسىپورىندارعا عانا جىبەرىلەدى.
باس سانيتارلىق دارىگەر تۇرعىنداردىڭ دەنساۋلىعى مەن قاۋىپسىزدىگىن قامتاماسىز ەتۋ ماقساتىندا كارانتين ەرەجەلەرىن ساقتاۋدى جالعاستىرۋعا شاقىردى. اتىراۋ قالاسىنا كىرىپ-شىعاتىن ءتورت باعىتىنا 4 بلوك-بەكەت قويىلعان ەدى.
سونداي-اق, اتىراۋ قالالىق اكىمدىگى قوعامدىق كولىكتەردىڭ قوزعالىسى تۋرالى اقپارات تاراتتى. قوعامدىق كولىكتەر بۇگىن, 11 مامىردان باستاپ ساعات 17:00-20:00 ارالىعىندا 26 باعىتتا جولاۋشى تاسىمالدايدى.
ال 12 مامىردان قوعامدىق كولىكتەر تاڭعى ساعات 07:00-دەن 10:00-گە دەيىن, كەشكى ساعات 17:00-دەن 20:00-گە دەيىن جۇرەدى.
اتىراۋ وبلىسى
