«نازارباەۆ ۋنيۆەرسيتەتىنىڭ اقىلدى جۇيەلەر جانە جاساندى ينتەللەكت ينستيتۋتىنىڭ (ISSAI) زەرتتەۋ توبى قازاقستاندا العاشقىلاردىڭ ءبىرى بولىپ DGX جۇيەسىن ەنگىزدى جانە وسى جۇيەلەردى پايدالانۋدا ەلەۋلى تاجىريبە جيناقتادى. ISSAI-دىڭ ەسەپتەۋ الەۋەتى نازارباەۆ ۋنيۆەرسيتەت وقىتۋشىلارى مەن باسقا دا قازاقستاندىق ۋنيۆەرسيتەتتەردىڭ قىزمەتكەرلەرىنە جاساندى ينتەللەكت سالاسىنداعى ءوز زەرتتەۋلەرىن ىسكە اسىرۋعا مۇمكىندىك بەرەدى», دەيدى ينستيتۋت ديرەكتورى پروفەسسور اتاكان ۆارول.
ساراپشىلاردىڭ پىكىرىنشە, NVIDIA DGX جۇيەلەرى NVIDIA Volta گرافيكالىق پروتسەسسورلارىنىڭ رەۆوليۋتسيالىق ساۋلەتى نەگىزىندە قۇرىلعان. گرافيكالىق پروتسەسسورلار ءۇشىن يننوۆاتسيالىق باعدارلامالىق قامتاماسىز ەتۋ جانە وڭايلاتىلعان باسقارۋ ارقىلى NVIDIA DGX جوعارى ونىمدىلىك پەن جىلدامدىقتى قامتاماسىز ەتەدى. ويتكەنى جاساندى ينتەللەكتى سالاسىنداعى جۇمىس ۇلكەن دەرەكتەردى وڭدەۋدى بىلدىرەدى, جىلدامدىق ماڭىزدى ءرول اتقارادى. ادەتتەگى سەرۆەرلەردە گرافيكالىق پروتسەسسور, جەدەل جادى مەن قاتقىل ديسك اراسىنداعى قاتىناۋ جىلدامدىعى وتە از, وسىنىڭ سالدارىنان (دەرەكتەر, بەينە, كەسكىندەر, ءماتىن جانە ت.ب.) ۇزاق وڭدەلەدى. ال جاڭا جۇيە NVLINK جانە NVSWITCH تەحنولوگيالارىن قولدانادى, ولار گرافيكالىق پروتسەسسورلار اراسىنداعى ءوزارا بايلانىستى ەداۋىر جەدەلدەتەدى جانە تيىسىنشە ۇلكەن دەرەكتەرمەن جۇمىس ىستەۋ پروتسەسىن جەدەلدەتەدى.
بۇعان قوسا, NVIDIA DGX-2 جۇيەلەرى عالىمدارعا كەز كەلگەن پلاتفورمادا ۇستەلدىك جۇيەدەن باستاپ دەرەكتەردى وڭدەۋ ورتالىعىنا جانە بۇلتتى جۇيەلەرگە دەيىن جاساندى ينتەللەكتى جوبالارىن ازىرلەۋگە ارنالعان ەڭ قۋاتتى قۇرالدار مەن باعدارلامالار ۇسىنادى. ءاربىر زەرتتەۋشى زەرتتەۋلەر ءۇشىن وزىنە كەرەكتى تەحنيكالىق باعدارلامالار مەن قۇرالدارعا (مىسالى, pytorch, tensorflow جانە ت.ب. سياقتى باعدارلامالارعا) قول جەتكىزە الادى. وسىلايشا اۋقىمدى دەرەكتەردى وڭدەۋ بويىنشا ەڭ تاڭداۋلى شەشىمدەر تابۋعا مۇمكىندىك بەرەدى.
جاساندى ينتەللەكتى الگوريتمدەرى بارعان سايىن كۇردەلەنە تۇسۋدە جانە ەسەپتەۋ قۋاتىنىڭ تەڭدەسسىز دەڭگەيىن تالاپ ەتەدى. NVIDIA DGX-2 وزىندە جاساندى ينتەللەكت مودەلدەرىنىڭ جاڭا تيپتەرىن جەدەلدەتۋ ءۇشىن الەمدەگى ەڭ تەحنيكالىق ىلگەرىلەتىلگەن 16 GPU قۋاتىن بىرىكتىرەدى جانە جاساندى ينتەللەكتى الگوريتمدەرىن ماسشتابتاۋدى وڭتايلاندىرادى, وسىلايشا ەسەپتەۋ قۋاتىنىڭ دەڭگەيىن جانە دەرەكتەردى وڭدەۋ تيىمدىلىگىن ارتتىرادى.
مىسالى, Nvidia DGX-2 نازارباەۆ ۋنيۆەرسيتەتىندە ISSAI جوبالارىن تالداۋ ءۇشىن قازىردىڭ وزىندە تابىستى پايدالانىلۋدا. بۇل جوبالار ادامداردى ادەتتەگى جانە تەرمالدى تۇسىرىلىمدەردە تانۋدى, ادامدى داۋسى بويىنشا سايكەستەندىرۋدى, WiFi سيگنالداردىڭ كومەگىمەن ءۇي-جايلاردىڭ ىشىندە وقشاۋلاۋدى, كەۋدە قۋىسىنىڭ رەنتگەندىك سۋرەتتەرىن تالداۋدى, مرت-بەينەلەردە باس ميىنىڭ ىسىكتەرىن اۆتوماتتى سەگمەنتتەۋدى, قالالىق باقىلاۋ كامەرالارىن وڭتايلى ورنالاستىرۋدى قامتيدى.
وسى جوبالاردىڭ ارقايسىسىندا بەينەلەۋ, بەينە جانە اۋديو جازبالار سياقتى دەرەكتەردىڭ وراسان زور سانى پايدالانىلادى. DGX سياقتى جوعارى ەسەپتەۋ جۇيەسىنسىز وسى دەرەكتەردى وڭدەۋ جانە تەرەڭدەتە وقىتۋ مودەلدەرىن جاتتىقتىرۋ الدەقايدا قيىندايدى جانە جىلدامدىعى باياۋلايدى.
