«قازاقستان جانارماي قاۋىمداستىعىنىڭ» وكىلدەرى قازىر تاپ وسىنداي دابىل قاعىپ وتىر. ولاردىڭ ايتۋلارىنشا, تاياۋ كۇندەردە وسىعان بايلانىستى ەلىمىزدە اي-92 ماركالى بەنزين مەن ديزەل وتىنىنىڭ باعاسى كۇرت شارىقتاپ كەتۋى ابدەن مۇمكىن. مۇنىڭ سوڭىندا جانارمايدىڭ مۇلدەم بولماي قالۋى دا عاجاپ ەمەس.
«قازاقستان جانارماي قاۋىمداستىعىنىڭ» وكىلدەرى قازىر تاپ وسىنداي دابىل قاعىپ وتىر. ولاردىڭ ايتۋلارىنشا, تاياۋ كۇندەردە وسىعان بايلانىستى ەلىمىزدە اي-92 ماركالى بەنزين مەن ديزەل وتىنىنىڭ باعاسى كۇرت شارىقتاپ كەتۋى ابدەن مۇمكىن. مۇنىڭ سوڭىندا جانارمايدىڭ مۇلدەم بولماي قالۋى دا عاجاپ ەمەس.
راسىندا دا كورشىلەس ەلدەن جەتكىزىلۋى ءتيىس 234 مىڭ توننا سۇيىق وتىن جانارماي تاپشىلىعىن شەشىپ بەرە الماسا كەرەك. ايتا كەتەيىك, بۇعان دەيىن مۇناي جانە گاز مينيسترلىگىنىڭ بۇيرىعىمەن وتاندىق ءۇش كومپانيا عانا رەسەيدەن مۇناي ونىمدەرىن جەتكىزۋشى وپەراتور بولىپ بەلگىلەنگەن ەدى.
«ەگەر سۇيىق وتىن بولماسا, جانارماي بەكەتتەرى ونى تالون نەمەسە كارتوچكامەن ساۋدالايدى. «قازمۇنايگازدىڭ» جانارماي بەكەتىندە كەپتەلىس تۋىندايدى. از ۋاقىتتا ولارداعى جانارماي دا تاۋسىلادى. ءبىز مۇنىڭ الدىن العىمىز كەلەدى», – دەيدى «قازاقستاننىڭ جانارماي قاۋىمداستىعى» باسقارما توراعاسى بولات اۋەتاەۆ.
تاسىمالداۋشى وپەراتورلار پاۆلودار مۇناي وڭدەۋ زاۋىتىنىڭ جەتكىلىكتى دەڭگەيدە سۇيىق وتىنمەن قامتاماسىز ەتىلمەي وتىرعانىن دا تىلگە تيەك ەتەدى. ولار جانار-جاعارمايدى رەسەيگە قاراستى ستانسادان اۆتوكولىكپەن جەتكىزىپ وتىرعان كورىنەدى. بۇل ءوز كەزەگىندە ونسىز دا قىمبات بولىپ تابىلاتىن جانار-جاعارماي باعاسىنىڭ شارىقتاۋىنا اپارىپ سوقتىرىپ جاتىر.
«ءبىراز كۇندە قازىرگى از قوردىڭ ءوزى تاۋسىلادى», – دەيدى ماماندار. بۇل كەزەڭدە شىمكەنتتەگى مۇناي وڭدەۋ زاۋىتىنىڭ قايتا جوندەۋگە تۇراتىنىن ەسكەرسەك, جاعدايدىڭ مۇشكىل بولا تۇسەتىنى ايقىن اڭعارىلادى.
قۇرىش نۇرىمبەت.
