بۇل ازاماتتاردىڭ بارلىعى ءبىر وتباسىنىڭ مۇشەلەرى جانە قوياندى كەنتىندە COVID-19 زەرتحانالىق تۇردە انىقتالعان اداممەن جاقىن بايلانىستا بولعان. بۇعان دەيىن جاڭاەسىل اۋىلىنداعى اگروتەحنيكالىق كوللەدج بازاسىنداعى كارانتيندىك ستاتسيونارعا وقشاۋلاندىرىلعان. قازىر كوكشەتاۋ قالاسىنداعى اقمولا وبلىستىق تۋبەركۋلەزگە قارسى ديسپانسەرىنە جاتقىزىلعان.
تسەلينوگراد اۋداندىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ ماماندارى سانيتارلىق-ەپيدەميولوگيالىق تەرگەۋ جۇمىستارىن جۇرگىزىپ جاتىر.
بەكىتىلگەن ءىس-قيمىل الگوريتمىنە سايكەس, ۆيرۋستىڭ ودان ءارى تارالۋىنا جول بەرمەۋ ماقساتىندا ەپيدەمياعا قارسى شارالار قولعا الىنعان.
COVID-19-دى اقمولا وبلىسىندا 109 ادام جۇقتىرعان. قازىرگى تاڭدا ءوڭىر ستاتسيونارلارىندا 462 پاتسيەنت جاتىر, ونىڭ ىشىندە پروۆيزورلىق ستاتسيوناردا — 28, كارانتيندىك ستاتسيوناردا — 418, جۇقپالى اۋرۋلار ستاتسيونارىندا — 16.
560 ادام ءۇي كارانتينى تالاپتارىن ساقتاپ وتىر.
