«باتىس» وڭىرلىك قولباسشىلىعى باسقارماسى ءباسپاسوز قىزمەتىنىڭ حابارلاۋىنشا, اتىراۋ گارنيزونىنىڭ اسكەري قىزمەتشىلەرى مايدانگەرلەر ايدىن ايباروۆ, قۇرمانباي دوسىمبەتوۆ, ۆالەنتينا كونوپلەۆا, ورىنعالي قاراساەۆ, تۇراش كوپتىلەۋوۆ, الىبەك تۇسىباليەۆ جانە زاكاريا سۇلتانوۆتى جەڭىس كۇنىمەن قۇتتىقتاۋ ءۇشىن ولاردىڭ ۇيلەرىنە ارنايى باردى.
–سوعىس ارداگەرلەرى ءۇشىن جەڭىس كۇنى –ەڭ ماڭىزدى مەرەكە. سولاي بولىپ قالا بەرەدى. ولار ءۇشىن جەڭىس كۇنىن ەڭ جارقىن, ءارى ەڭ قۋانىشتى مەرەكەگە اينالدىرۋ – ءبىزدىڭ مىندەتىمىز. بيىل مايدانگەرلەر ء ۇيىنىڭ الدىندا شەرۋ ۇيىمداستىردىق. ءبىز مايدانگەرلەردىڭ بارىمەن ۇدايى بايلانىس جاساپ كەلەمىز. گارنيزوننىڭ اسكەري قىزمەتشىلەرى وتانىمىزدى قورعاپ, ءبىزدىڭ بەيبىت ءومىرىمىز بەن وركەندەۋىمىز ءۇشىن جانىن اياماعان باتىر بابالارىمىزدىڭ ەرلىگىن ماقتان تۇتادى, - دەيدى «باتىس» وڭىرلىك قولباسشىلىعىنىڭ وفيتسەرى, مايور ەرلان تەمىراليەۆ.
