جىل سايىن قالا اكىمدىگى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىمەن بىرلەسىپ, ۇلى جەڭىستىڭ 75 جىلدىعىنا وراي بىرقاتار مادەني ءىس-شارالار وتكىزەدى. بۇل جولى بارلىق باستاما ەلدەگى توتەنشە جاعداي رەجيمىن ەسكەرە وتىرىپ, جۇرتتى جاپپاي جيناماي-اق قولعا الىندى.
بارلىق كونتسەرتتىك نومىرلەر بەينەكادرعا ءتۇسىرىلىپ, ودان ءارى الەۋمەتتىك جەلىلەرگە ورنالاستىرۋ ءۇشىن فيلم-كونتسەرتكە بىرىكتىرىلمەك.
كونتسەرتتە تەاتردىڭ جەتەكشى سوليستەرى – حالىقارالىق كونكۋرستاردىڭ لاۋرەاتى, ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ۆوكالدان ءدارىس بەرەتىن وقىتۋشىسى ايدوس جاباعين «جەڭىس كۇنى» ءانىن ورىنداسا, اباي تەاترىنىڭ ءسوليسى دۋلات توقانوۆ ساحنالاس ارىپتەستەرىمەن بىرگە «ۆ بوي يدۋت ودني «ستاريكي» فيلمىنەن «سمۋگليانكا» ءانىن شىرقادى». ءانشى ءلاززات بىرىمعازينا بىرنەشە ۇرپاققا جالعاسىپ كەلە جاتقان «كاتيۋشا» ءانىن قازاق جانە ورىس تىلدەرىندە ورىندادى.
الماتى
