اكىمنىڭ ايتۋىنشا, بۇل كۇنى ءبىز جەر بەتىنە بەيبىتشىلىك پەن تىنىشتىقتى ورناتىپ, فاشيستىك ەزگىدەن ازات ەتكەن مايدانگەرلەرىمىزگە قۇرمەت كورسەتەمىز.
«قايتالانباۋى ءتيىس سول ءبىر ازاپتى جىلدار ۋاقىت وتكەن سايىن بىزدەن الىستاپ بارادى. ءبىز وسىلاي ارداگەرلەرىمىزگە قۇرمەت كورسەتكەن سايىن, ولاردىڭ سول ءبىر سۇراپىل جىلدارداعى ەرلىگى جادىمىزدا كۇن سايىن جاڭعىرا بەرەرى ءسوزسىز. حالىق قاھارمانى باۋىرجان مومىش ۇلى ايتقانداي, سوعىس قاسىرەت پەن قايعىنى ەسكە تۇسىرۋمەن بىرگە, قان مايدانداعى شايقاستار مەن ەرەن ەرلىكتەردىڭ دە ەستەلىگى. بۇل – جەڭىس جاڭعىرىعى!» – دەپ اتاپ ءوتتى باقىتجان ساعىنتاەۆ.
شاھار باسشىسىنىڭ ايتۋىنشا, ۇزاق شايقاستا ابدەن شىڭدالعان ارداگەرلەرىمىزدىڭ رۋحى قاشاندا بيىك ەكەن. ەگدە تارتقان جاسىنا قاراماستان ولار قوعامدىق ومىرگە ەتەنە ارالاسىپ, وتانعا دەگەن سۇيىسپەنشىلىك پەن ادالدىقتىڭ, ادامگەرشىلىك پەن ابىرويدىڭ بيىك دەڭگەيدەگى ۇلگىسىن كورسەتىپ كەلەدى.
«بۇگىندە ءبىز ارداگەرلەرگە قامقورلىق پەن ىقىلاس-ءىلتيپات كورسەتىپ وتىرۋعا تىرىسامىز», – دەپ جازدى شاھار باسشىسى.
قالا اكىمى بيىل قالا ۇلى وتان سوعىسىنىڭ قاتىسۋشىلارى مەن مۇگەدەكتەرىنە ميلليون تەڭدەگەن بولگەنىن اتاپ ءوتتى. سونداي-اق, سوعىس مايدانگەرلەرى مەن مۇگەدەكتەرىنە تەڭەستىرىلگەن تۇرعىندار, مايدان دالاسىندا قازا تاپقان ساربازداردىڭ جەسىرلەرى, تىل ەڭبەككەرلەرى دە نازاردان تىس قالماعان.
ء«بىز, بۇگىنگى ۇرپاق, سىزدەردىڭ الدارىڭىزدا ءبىزدى جاقسى عۇمىر كەشسىن دەپ سىيلاعان بەيبىت ءومىر, اشىق اسپان ءۇشىن باسىمىزدى يەمىز. ەرلىكتەرىڭىز ەشقاشان ۇمىتىلمايدى! سىزدەرگە زور دەنساۋلىق تىلەيمىن!», – دەپ قورىتىندىلادى ءسوزىن قالا اكىمى ب. ساعىنتاەۆ.
