ەستافەتانى وقۋ ورنىنداعى ورىس ءتىلى كافەدراسىنىڭ مۇعالىمدەرى باستاپتى. بولمە تەرەزەسىن جەڭىس تاقىرىبىنا ساي بەزەندىرۋ ارقىلى كارانتيندە ۋاقىتتى وتكىزىپ, وتباسى مۇشەلەرىنە ەكىنشىدۇنيەجۇزىلىك سوعىستا بەيبىت كۇن ءۇشىن جانىن قيعان مايدانگەرلەردى ءبىر ۋاقىت ەسكە الۋ مۇمكىندىگى ەكەنىن ايتادى.
-مەن ءۇيىمنىڭ تەرەزەلەرىنىڭ اينەكتەرىن جۋىپ تازالاعان ەدىم. كەيىن نەگە مەرەكەگە وراي بەزەندىرمەسكە دەگەن يدەيا كەلدى. قولدا بار ماتەريالدان «جەڭىسكە 75-جىل» دەپ جازىپ, اينەكتەرگە جابىستىردىم. قاعازداردى قيۋ بارىسىندا كىشكەنتاي جيەنىم نە سەبەپتى وسىلاي جازىپ جاتقانىم تۋرالى سۇرادى. سودان سوڭ 1941-45 جىلدارداعى سوعىس, باتىرلارىمىز بەن مايدانگەر قاريالارىمىز جايلى ايتىپ, تاريحي دەرەكتەرمەن ءبولىستىم. بۇل ونىڭ ساناسىندا ۇزاق ساقتالاتىندىعىنا سەنىمىم كامىل, دەيدى ورىس ءتىلى ءپانىنىڭ مۇعالىمى ازيما سۋيۋناليەۆا.
بۇل چەللەندجدى وزگە دە ءپان كافەدرالارى, وقۋشىلار ءىلىپ اكەتىپتى. قازىردىڭ وزىندە اقتاۋداعى جيىرمادان استام ۇيدە مۇنداي كارتينالار بار.
-ءوز تەرەزەمىزدى بەزەندىرىپ بولعان سوڭ كورشىلەرىمىزدىڭ, كوشەدە ءوتىپ بارا جاتقان ادامداردىڭ ءپوزيتيۆتى رەاكتسياسىن بايقادىق. كوبى كرەاتيۆتى ەكەن دەپ جىميادى. ال ءبىز ءوز بالالارىمىزعا سوعىستىڭ زاردابى مەن بەيبىت ءومىردىڭ ماڭىزدىلىعىن تۇسىندىرگەنىمىزگە قۋانامىز, دەيدى ونەر ءپانى بىرلەستىگىنىڭ مۇعالىمدەرى.
