«قازاقستاندىق بىتىمگەرلىك پولكى» نەگىزىندە قۇرىلعان دالالىق گوسپيتال قاجەتتىلىك تۋىنداعان جاعدايدا COVID-19 دياگنوزى راستالعان ازاماتتاردى جاتقىزاتىن ينفەكتسيالىق ستاتسيونار رەتىندە پايدالانىلادى.
الماتى قالاسى اكىمىنىڭ ورىنباسارى ەرجان باباقۇماروۆ قالالىق قوعامدىق دەنساۋلىق ساقتاۋ باسقارماسىنىڭ باسشىلىق وكىلى اسەل بيسەنباەۆا جانە الماتى قالاسى تاۋارلار مەن قىزمەتتەردىڭ ساپاسىن باقىلاۋ دەپارتامەنتى وكىلى ەرلىك دۇيسەمباەۆ, ي.جەكەنوۆ اتىنداعى قكيا باس دارىگەرى ايگۇل ابدراحمانوۆا, الماتى گارنيزونى جانە دالالىق گوسپيتال باسشىلارىمەن بىرگە اتالعان مەكەمەنىڭ دايىندىق دەڭگەيىمەن جانە پاتسيەنتتەردى قابىلداۋ مۇمكىندىگىمەن تانىستى.
باستى نازار گوسپيتال ىشىندەگى ينفەكتسيالىق باقىلاۋ مەن قىزمەتكەرلەردىڭ ەڭبەك قاۋىپسىزدىگىن ۇيىمداستىرۋ ماسەلەلەرىنە اۋدارىلدى. گوسپيتالدىڭ جۇمىس ايماقتارىن «تازا», ينفەكتسيالانعان جانە شليۋزدار جۇمىسى دەپ ءبولۋ قاراستىرىلدى. سونىمەن بىرگە, گوسپيتالدى مەديتسينالىق ماماندارمەن قامتۋ, تاماقتاندىرۋ جانە دەزينفەكتسيالىق جۇمىستاردى ۇيىمداستىرۋ, بيولوگيالىق, مەديتسينالىق جانە تۇرمىستىق قاتتى قالدىقتاردى جويۋ ماسەلەلەرى دە قارالدى.
الماتى قالاسى اكىمىنىڭ ورىنباسارى ەرجان باباقۇماروۆ اكىمشىلىك اتىنان گوسپيتالدىڭ جەكە قۇرامىن وتان قورعاۋشىلار كۇنىمەن قۇتتىقتاپ, كوروناۆيرۋس ينفەكتسياسىمەن كۇرەستە قوسقان ۇلەستەرى ءۇشىن ولارعا العىس ءبىلدىردى.
