ايماقتار • 07 مامىر، 2020

الماتىعا وڭتۇستىك كورەيادان كەزەكتى گۋمانيتارلىق كومەك كەلدى

43 رەت كورسەتىلدى

الماتى اكىمدىگىنە گۋمانيتارلىق كومەك اياسىندا وڭتۇستىك كورەيالىق كومپانيالار تاراپىنان جەكە قورعانىس قۇرالدارى جەتكىزىلدى.

وڭتۇستىك كورەيا ىزگىلىكتى كومەك كورسەتۋ شەڭبەرىندە كوروناۆيرۋستىق ينفەكتسيامەن كۇرەس ماقساتىندا الماتى قالاسىنىڭ قوعامدىق دامۋ باسقارماسىنا جانە تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە 1125 بىرلىك جەكە قورعانىس قۇرالدارىن تاپسىردى. گۋمانيتارلىق كومەكتىڭ جالپى قۇنى 45 مىڭ اقش دوللارىن قۇرايدى.

ءىس-شاراعا الماتى قالاسى اكىمىنىڭ ورىنباسارى ەرجان باباقۇماروۆ، قالالىق قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ، قالانىڭ مەملەكەتتىك باس سانيتارلىق دارىگەرى جانداربەك بەكشين، سىرتقى ىستەر مينيسترلىگىنىڭ الماتىداعى وكىلدىگىنىڭ باسشىسى ەرلان ىسقاقوۆ، سونداي-اق كورەي كومپانياسىنىڭ وكىلدەرى – «MPK Clinic» كومپانياسىنىڭ باس ديرەكتورى كيم حيون دجين، «Shinhan Bank Kazakhstan» باسقارما توراعاسى كيم حەنگ ۆان، «راحات» اق باسقاراما توراعاسىنىڭ ورىنباسارى پاك گين ەن، «SK E&C» كومپانياسى جوباسىنىڭ جەتەكشىسى دجۋن حۋن كيم قاتىستى.

1

سونىمەن، «MPK Clinic» كورەي كومپانياسىنىڭ قولداۋىمەن 1125 دارىگەر مەن مەديتسينا قىزمەتكەرلەرىنە جەكە قورعانۋ قۇرالدارى ۇسىنىلدى. «Shinhan Bank» – قۇنى 20 مىڭ اقش دوللارى بولاتىن 500 بىرلىك جەكە قورعانىس قۇرالدارىن، «Lotte Rakhat» – قۇنى 20 مىڭ اقش دوللارىن قۇرايتىن 500 بىرلىك جەكە قورعانىس قۇرالدارىن ۇسىنسا، «SK E&C» كومپانياسى قۇنى 5 مىڭ اقش دوللارى بولاتىن 125 بىرلىك جەكە قورعانىس قۇرالدارىن تابىستادى.

5

بۇل جەكە قورعانۋ قۇرالدارى ينفەكتسيالىق گوسپيتالداردىڭ مەديتسينا قىزمەتكەرلەرىنە ءبولىنىپ بەرىلەتىن بولادى.

الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلداەۆ كوروناۆيرۋس پاندەمياسى كەزىندە كورسەتكەن قولداۋى ءۇشىن وڭتۇستىككورەيالىق كومپانيالاردىڭ وكىلدەرىنە العىسىن ءبىلدىردى.

1

«قازىرگى تاڭدا بۇكىل الەم جاھاندىق پاندەميامەن بەتپە-بەت كەلىپ وتىرعان وسىناۋ سىن شاقتا بارىمىزگە دە ءاربىر قولداۋ ماڭىزدى. وسىلاي باس بىرىكتىرىپ، نيەت توعىستىرىپ ەڭبەك ەتكەندە عانا قاۋىپتى ىندەتتىڭ بەتىن قايتارامىز»، – دەدى ت.ابىلداەۆ. – بۇگىندە الماتى قالاسىندا كوروناۆيرۋس بويىنشا جاعدايدى تۇراقتاندىرۋ ماقساتىندا ەپيدەمياعا قارسى جانە ەمدەۋ-الدىن الاتىن كەشەندى شارالار قابىلدانۋدا. قالانىڭ جەدەل شتابىنىڭ باسشىلىعىمەن اتقارىلىپ جاتقان الداعى ءىس-ارەكەتتەر احۋالدىڭ بىرتىندەپ تۇراقتانۋىنا، ينفەكتسيا جۇقتىرعاندار كورسەتكىشىنىڭ تومەندەۋىنە اكەلەتىنىنە سەنەمىز».

گۋمانيتارلىق كومەك كورسەتۋگە سىرتقى ىستەر مينيسترلىگىنىڭ الماتىداعى وكىلدىگى قولداۋ كورسەتتى.

– سىرتقى ىستەر مينيسترلىگى كورەياداعى ءبىزدىڭ ەلشىلىگىمىز ارقىلى قازاقستانداعى كورەي كومپانيالارى كونسورتسيۋمىنا گۋمانيتارلىق كومەك كورسەتتى. كونسورتسيۋم ءۇش كومپانيادان تۇرادى. گۋمانيتارلىق كومەك جەكە قورعانىس قۇرالدارى تۇرىندە 40 قوراپپەن كەلدى. بۇل ءبىرىنشى پارتيا ەمەس. بۇعان دەيىن «MPK Clinic» كورەي كومپانياسىنان الماتىنىڭ مەديتسينالىق مەكەمەلەرىنە پتسر- تەستتەر جەتكىزىلگەن ەدى،  – دەدى ءسىم الماتى قالاسىنداعى وكىلدىگىنىڭ باسشىسى ەرلان ىسقاقوۆ.

4

ءوز كەزەگىندە كورەي كومپانيالارىنىڭ وكىلدەرى ەپيدەميولوگيالىق جاعدايدىڭ تەز ارادا تۇراقتانۋىنا تىلەك ءبىلدىردى.

– كوروناۆيرۋسپەن كۇرەسۋ ءۇشىن الماتى قالاسى مەن قازاقستاننىڭ بارلىق دارىگەرى بىرىگىپ، كۇش-جىگەرلەرىن بىرگە جۇمساۋى ءتيىس. قازىر بۇكىل الەمدەگى جانە قازاقستانداعى جاعداي قيىن، سوندىقتان ءبىز وسى ماسەلەنى بىرگە ەڭسەرە الاتىنىمىزعا سەنگىم كەلەدى. كوروناۆيرۋسپەن كۇرەسكە بولىنگەن بۇل قۇرالدار ايتارلىق كومەگىن بەرەدى دەپ ۇمىتتەنەمىن، – دەدى «Shinhan Bank Kazakhstan» باسقارما توراعاسى كيم حەنگ ۆان.

ء«بىزدىڭ كومپانيا باسقا ارىپتەستەرمەن بىرلەسىپ مەديتسينا قىزمەتكەرلەرىنە قورعانىس كيىمدەرىن بەرۋدى شەشتى. قالاداعى جاعدايدىڭ تۇراقتالۋىن تىلەيمىز»، – دەدى «راحات» اق باسقارما توراعاسىنىڭ ورىنباسارى پاك گين ەن.

«قازاقستان كوروناۆيرۋسپەن بەتپە-بەت كەلگەندە ءبىز دە شەت قالماي، ءوز تاراپىمىزدان كومەك كورسەتكىمىز كەلدى. اتالعان ىندەتتى جەڭىپ، قالا مەن الماتىلىقتاردىڭ بۇرىنعى قالىپتى ومىرىنە ورالۋىن تىلەيمىن. مەن قازاقستان مەن كورەيا اراسىنداعى قارىم-قاتىناس جالعاسىن تاۋىپ، قازاقستانعا ينۆەستيتسيا قۇياتىن كورەي كومپانيالارىنىڭ دا كوپ بولعانىن قالايمىن»، – دەپ اتاپ ءوتتى «SK E&C» وكىلى دجۋن حۋن كيم.

4

سوڭعى جاڭالىقتار

ماڭگىلىك مۇرا تاعىلىمى

اباي • بۇگىن، 10:01

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ۇقساس جاڭالىقتار