شارا كەڭەس وداعىنىڭ باتىرى, 1951-1963 جىلدار ارالىعىندا اباي اتىنداعى مەملەكەتتىك پەداگوگيكالىق ينستيتۋتىنىڭ رەكتورى قىزمەتىن اتقارعان اكادەميك مالىك عابدۋلليننىڭ مەموريالدىق تاقتايشاسىنا گۇل شوعىن قويۋ راسىمىنەن باستالدى.
ءىس-شارا بارىسىندا رەكتور ۋنيۆەرسيتەت قابىرعاسىندا ۇزاق جىلدار بويى قىزمەت كاتقارعان, ۇلى وتان سوعىسىنىڭ, ەڭبەك مايدانى جانە تىل ارداگەرلەرىنە, اۋعان سوعىسىنىڭ ارداگەرلەرى جانە قاۋىپتىلىگى جوعارى ايماقتا قىزمەت اتقارعان ساربازعا ارنايى قۇتتىقتاۋىن جولداپ, بارلىعى 38 ارداگەرگە ۋنيۆەرسيتەت تاراپىنان 2 670 000 تەڭگە كولەمىندە اقشالاي كومەك كورسەتىلەتىندىگىن جانە ارنايى ازىق-ت ۇلىك سەبەتتەر تابىستالاتىندىعىن تىلگە تيەك ەتتى.
ءوز كەزەگىندە, ارداگەرلەر كەڭەسىنىڭ توراعاسى ءجۇمادىل شىلدەباەۆ ۋنيۆەرسيتەت باسشىلىعى تاراپىنان ارداگەرلەرگە كورسەتىلىپ جاتقان قۇرمەت-قامقورلىعى ءۇشىن العىسىن جەتكىزدى.
ۋنيۆەرسيتەت رەكتورى تاكير بالىقباەۆ شاراعا اتسالىسقان ارداگەرلەر كەڭەسىنە, تاربيە دەپارتامەنتىنە, قىزمەتكەرلەر كاسىپوداعى ۇيىمىنا, «ىزگىلىك ەلشىسى» ەرىكتىلەرى مەن جاستار ءىسى جونىندەگى كوميتەتكە ءوز ريزاشىلىعىن ءبىلدىردى. قايىرىمدىلىق شارا ەكى كۇنى بويى جۇرگىزىلەدى. شارا بارىسىندا ەرىكتىلەر مەن بەلسەندىلەر توبى ۋنيۆەرسيتەت ارداگەرلەرىن تۇرعىلىقتى مەكەن-جايلارى بويىنشا قۇتتىقتاپ, ارنايى ازىرلەنگەن سىي-سياپاتتاردى تابىستايتىن بولادى.
شارانىڭ ەكىنشى كۇنى مەدەۋ اۋدانى بويىنشا ۋنيۆەرسيتەتىمىزگە ارنايى بەكىتىلگەن 5 ارداگەرگە ازىق-ت ۇلىك سەبەتتەرىن جەتكىزىلدى.
ۇلى جەڭىستىڭ 75 جىلدىعى اياسىندا ۇيىمداستىرىلعان اۋقىمدى شارا, جاستاردىڭ بويىندا ۇلكەنگە قۇرمەت كورسەتۋگە, مەيىرىمدىلىك پەن ىزگىلىك قاسيەتتەرىن قالىپتاستىرۋعا سەپتىگىن تيگىزەرى انىق.
