قازاقستان مەن رەسەيدىڭ ايماقارالىق ىنتىماقتاستىق فورۋمىنا ازىرلىك اياسىندا كوكشەتاۋدىڭ اۋە قاقپاسى دا تۇرلەنەدى. وبلىس اكىمى قالا مەن اۋەجاي اراسىنداعى جول بويىن كوگالداندىرۋ, اۋەجاي اۋماعىن اباتتاندىرۋعا ارنالعان جوبالاردىڭ جۇزەگە اسىرىلۋ بارىسىمەن تانىستى. بۇل ماقساتتارعا جالپى كولەمى 13 ملن تەڭگە قارجى بولىنگەن. سونىمەن قاتار, اۋەجاي اۋماعىندا 1978 جىلى سالىنعان قوناق ءۇيدى قايتا قالپىنا كەلتىرۋ قولعا الىنعان. جوندەۋ جۇمىستارىنا 150 ملن تەڭگە شاماسىندا قارجى بولىنگەن.
اۋەجايدان تاياقتاستام جەردەگى اقكول اۋىلى جىل ساناپ كوركەيىپ كەلەدى. كەزەكتە تۇرعان ادامدارعا ارناپ 180 جەر تەلىمى ازىرلەنىپتى. جوبا قۇنى 115 ملن. تەڭگە. «بەرەكەت - 2050» شارۋا قوجالىعى وتكەن جىلى گەكتارىنان 20 تسەنتنەردەن استام ءدان جيىپ, وزىق تەحنولوگيالاردىڭ تيىمدىلىگىن كورسەتكەن. 4700 گەكتار ەگىستىك اۋماقتا شارۋالار ەۋروپالىق اگرارلىق تاسىلدەردى قولدانىپ كەلەدى. ولار ءوز قىزمەتىن ءارتاراپتاندىرىپ, 9 ءتۇرلى داقىل ەگۋگە جانە مال شارۋاشىلىعىمەن اينالىسۋعا ىنتا ءبىلدىرىپ وتىر.
–بىزدەگى استىق تۇقىمى جوعارى سۇرىپتى. رەسەيدەن بيدايدىڭ ەليتالى سۇرىپتارىن الدىردىق. سونىمەن قاتار, ارپا, س ۇلى, بۇرشاق, سويا تۇقىمدارىندا. بيىل 9 ءتۇرلى ءداندى داقىلداردى ەگۋدى جوسپارلاپ وتىرمىز,–دەيدى «بەرەكەت-2050» سەرىكتەستىگىنىڭ ديرەكتورى ياكوۆ ساۆچەنكو.
وبلىس اكىمى ورتاق اۋىلىنىڭ جولىنا نازار اۋداردى. توزىعى جەتكەن ەسكى سۇرلەۋدى جاڭعىرتۋعا 50 ملن تەڭگە قارجى بولىنەدى. جالپى, اۋداندا 14 باعىتتا جول جوندەۋ جۇمىستارى اتقارىلۋدا.
ء–بىز شاعالالى-پريرەچنوە باعىتىنداعى جولدى, ۇيالى اۋىلىنا اپاراتىن جولدى جوندەۋدەمىز. ۆيكتوروۆكا اۋىلىندا سۋ قۇبىرى تارتىلۋدا. كەيىن جول جوندەۋ جۇمىستارى باستالادى. اۋدان ورتالىعىندا دا جوندەۋ جۇمىستارى جوسپارلانعان,–دەيدى زەرەندى اۋدانىنىڭ اكىمى باۋىرجان عايسا.
اۋىل تۇرعىندارى ورتالىقتاندىرىلعان اۋىز سۋ جۇيەسىنە 70 شاقتى ءۇيدىڭ قوسىلماعىنىن جەتكىزدى. بۇل ولقىلىقتى جويۋعا 10 ملن. تەڭگە بولىنەدى. اۋىلدىڭ ورتالىق كوشەسىن جارىقتاندىرۋ, كورشىلەس قىزىلتاڭ اۋىلىنىڭ الەۋمەتتىك نىساندارىنا جوندەۋ جۇمىستارىن جۇرگىزۋگە دە 14 ملن تەڭگە قاراستىرىلماق. ورتاق اۋىلىنىڭ تۇرعىندارى دا قول قۋسىرىپ قاراپ وتىرماي, اۋىل مەشىتىنە جوندەۋ جۇرگىزىپ, يەسىز قالعان ەسكى عيماراتتاردى قالپىنا كەلتىرمەك.
