وبلىستىڭ باسقا وڭىرلەرىمەن سالىستىرعاندا, جارقايىڭ اۋدانىنىڭ ەگىستىك القابى ەڭ كوپ ايماقتاردىڭ بىرىنەن سانالادى. 642 مىڭنان استام گەكتار القاپقا ءدان سىڭىرىلمەك. قالعان بولىگىنە ارپا, س ۇلى, قاراقۇمىق, جاسىمىق سەبىلەدى. سونىمەن قاتار, كوكونىس ءوسىرۋ دە جوسپارلانعان. استىق القاپتارىندا زاماناۋي تەحنولوگيالار قولدانىلادى. ءبىر اپتا ىشىندە جوسپارلانعان اۋماقتىڭ باسىم بولىگىنە ىلعال جابىلدى. ەگىس كەشەندەرىن ءتيىمدى پايدالانۋ تاناپ باسىنا شىعۋعا ءتيىستى تەحنيكانىڭ سانىن مەيلىنشە قىسقارتۋعا مۇمكىندىك بەرەدى.
–580,3 مىڭ گەكتار جەرگە ىلعال جابىلدى. بۇل جۇمىسقا 200-دەن استام تەحنيكا جۇمىلدىرىلدى. سونداي-اق, 55 مىڭ گەكتار اۋماققا ەگىستىك الدىنداعى وڭدەۋ جۇرگىزىلمەك. دالا جۇمىستارىنا 84 ەگىستىك كەشەنى, 160 تۇقىم سەبەتىن كەشەندەرى 338 ك-700 تراكتورى جۇمىلدىرىلادى,–دەيدى اۋداندىق اۋىل شارۋاشىلىعى ءبولىمىنىڭ جەتەكشىسى باعدات شونوۆ.
ازىرگە 54 مىڭ توننادان استام تۇقىمدىق ماتەريال زەرتتەۋدەن وتكەن. تاعى 8 مىڭ توننا تۇقىم مۇقيات تەكسەرىلەدى دەپ كۇتىلۋدە. بۇگىنگى تاڭدا اۋدان شارۋاشىلىقتارىنا ءۇش جارىم مىڭ تونناعا جۋىق جەڭىلدەتىلگەن ديزەل وتىنى جەتكىزىلدى. وتكەن جىلى تەحنيكالىق پارك ءبىرشاما جاڭارتىلعان. كومبايندار, تراكتورلار, ەگىستىك كەشەندەرى, تۇقىم سەپكىشتەر مەن باسقا دا تەحنيكا ساتىپ الىنعان. ءبىر اتتەگەن-ايى, مەحانيزاتورلار جەتىسپەيدى. اۋىل شارۋاشىلىعى تاۋارىن وندىرۋشىلەرگە اۋدان تاراپىنان جان-جاقتى قولداۋ كورسەتىلۋدە. «اگرارلىق نەسيەلىك كورپوراتسياسى» ارقىلى رەسپۋبليكالىق بيۋدجەتتەن قارجى بولىنەدى.وسىلايشا نەسيە الۋعا 120 ءوتىنىم كەلىپ تۇسكەن. ونىڭ 74-ءى ماقۇلدانعان.
