اگەنتتىكتىڭ حابارلاۋىنشا, JýsanBank كاپيتال مەن وتىمدىلىكتىڭ ايتارلىقتاي قورىن جيناقتادى, بۇل وعان COVID-19 پاندەمياسىنىڭ جانە مۇناي باعاسىنىڭ قۇلدىراۋىنىڭ سالدارىنان ەكونوميكالىق ءوسۋ قارقىنىنىڭ باياۋلاۋى مەن وپەراتسيالىق ورتانىڭ تومەندەۋىنىڭ اسەرىنە توتەپ بەرۋگە مۇمكىندىك بەرۋى كەرەك.
S&P اتاپ وتكەندەي, JýsanBank-ءتىڭ جاڭا باسقارۋ كومانداسى وتكەن كەزەڭدەردە قالىپتاسقان پروبلەمالىق اكتيۆتەردىڭ ساپاسىن قالپىنا كەلتىرۋدە جانە تاۋەكەلدىكتىڭ تومەنگى دەڭگەيىن ۇستاپ تۇرۋدا ايتارلىقتاي تابىستارعا جەتتى.
«JýsanBank رەيتينگىسىن قازىرگى جاعدايدا جوعارىلاۋى – بۇل ايتارلىقتاي وقيعا جانە بانكتىڭ تۇراقتىلىعى مەن سەنىمدىلىگىن راستايدى. مەنشىكتى كاپيتال كوەففيتسيەنتتەرىنىڭ جەتكىلىكتىلىگى نارىقتاعى ەڭ جوعارى كورسەتكىشتەردىڭ ءبىرى بولىپ تابىلادى. بۇل ۇلكەن جەتىستىك», – دەدى JýsanBank باسقارماسىنىڭ توراعاسى ايبەك قايىپ اگەنتتىكتىڭ شەشىمىنە قاتىستى.
S&P بانكتىڭ تاۋەكەلدىكتەردى ازايتۋعا باعىتتالعان ستراتەگياسىنىڭ ارقاسىندا وتىمدىلىكتىڭ ەداۋىر قورىن ساقتايتىندىعىن باسا ايتادى. سونىمەن قاتار, بانك دەپوزيتتىك بازانى قالپىنا كەلتىرە الدى: 2019 جىلى جانە 2020 جىلدىڭ باسىندا كليەنتتەر سالىمدارىنىڭ بىرتىندەپ ءوسۋى بايقالدى.
«تۇراقتى» بولجام اگەنتتىكتىڭ اعىمداعى كاپيتال مولشەرى, وتىمدىلىكتىڭ ەداۋىر قورى جانە تاۋەكەلدىكتىڭ تومەنگى دەڭگەيىن ۇستاپ تۇرۋ ستراتەگياسى الداعى 12-18 ايدا بانكتىڭ اعىمداعى كرەديتتىك تاۋەكەلدىك ءپروفيلىن قولدايدى دەگەن پىكىرىن كورسەتەدى.
بانك 2019 قارجى جىلىن 34 ملرد تەڭگە تازا پايدامەن اياقتادى.
