جەدەل مەديتسينالىق كومەك اۋرۋحاناسىنا مارقۇم اۋىر حالدە كەلىپ تۇسكەن. پروۆيزورلىق گوسپيتالدا تەكسەرىلىپ, COVID-19-كە مۇرىن جۇتقىنشاعىنان الىنعان پتر ناتيجە بەرگەننەن كەيىن, ينفەكتسيالىق ستاتسيونارعا اۋىستىرىلادى.
ينفەكتسيالىق ستاتسيوناردا COVID-19 جۇقتىرعانى دا انىقتالىپ, ەمدەۋ حاتتاماسىنا سايكەس قارقىندى تەراپيا جۇرگىزىلگەن. بارلىق ەمدىك شارالارى كورسەتىلگەنىنە قاراماستان, دەنساۋلىعى جىلدام ناشارلاپ, وكپەنى جاساندى جەلدەتۋ اپپاراتىنا قوسىلعان. سوزىلمالى جۇرەك جانە بۇيرەك جەتكىلىكسىزدىگىنەن ىندەتى تەز اسقىنىپ, سوڭى قايعىلى جاعدايعا ۇلاستى.
مارقۇمنىڭ كوز جۇمۋىنا كوروناۆيرۋستىق ينفەكتسيا سەبەپ بولعانى تۋرالى شەشىمدى قۇرامىنا بەيىندى ماماندار, ونىڭ ىشىندە پۋلمونولوگتار كىرەتىن ارناۋلى زەرتتەۋ كوميسسياسى قابىلداعان.
قازىر الماتىدا Covid-19 دياگنوزى قويىلعان 1156 پاتسيەنت ەمدەلىپ جاتىر.
بۇگىن الماتىدا 17 ادام كوروناۆيرۋستىق ينفەكتسيادان ساۋىعىپ, ەمدەلىپ شىقتى. ولاردىڭ ىشىندە ورتالىق قالالىق كلينيكالىق اۋرۋحانانىڭ 8 مەديتسينا قىزمەتكەرى, بالالار قالالىق جۇقپالى اۋرۋلار اۋرۋحاناسىنىڭ 2 قىزمەتكەرى جانە 7-ءۋى ۆيرۋس جۇقتىرعان ناۋقاسپەن بايلانىستا بولعان ادامدار.
الماتى
