راقىمجان سانسىزباەۆ 1920 جىلى دۇنيەگە كەلگەن. بالالار ۇيىندە تاربيەلەنگەن. ءوز ەركىمەن سوعىسقا اتتانعان. جاستايىنان قالامدى جانىنا سەرىك ەتكەن ول مايداندا جارىق كورگەن «وتاندى قورعاۋ» قازاق گازەتىنىڭ ءتىلشىسى بولادى. وجەتتىگىمەن كوزگە تۇسكەن قايسار قازاق جاۋىنگەرى «شپيوندار ءولىمى» اتانعان «سمەرش» بارلاۋ ورگانىنىڭ قۇرامىنا قابىلدانادى.
جاۋىنگەر سانسىزباەۆتىڭ ءسابيت مۇقانوۆقا جازعان حاتىنان ءۇزىندى كەلتىرە كەتەلىك. وندا بىلاي دەپ جازىلعان. «قالامدى اۆتوماتقا ايىرباستاعان كۇننەن باستاپ رازۆەدكادا بولدىم. كۇنى بۇگىنگە دەيىن بارلاۋشىمىن. سامولەتتەن ءۇش رەت پاراشيۋتپەن جاۋدىڭ تىلىنا سەكىردىم. ءبىر رەت جالعىز ءوزىم ەكى ءفاشيستى ۇستاپ اكەلدىم. سونىڭ ءۇشىن «وتليچنىي رازۆەدچيك» دەگەن كەۋدەگە زناچوك تاقتى... جۇرگەن جەرىمدە «گەروي-كازاح, ليحوي رازۆەدچيك» دەگەن اتاققا ءىلىندىم. كەشىكپەي «قىزىل جۇلدىز» وردەنىمەن ماراپاتتالدىم. كەيىن جالعىز ءوزىم 3 ءفاشيستى تىرىدەي ۇستاپ اكەلىپ, «قىزىل تۋ» وردەنىمەن ناگرادتالدىم».
– مايدانگەردىڭ ۇلى قورعانبەك سانسىزباەۆ مۋزەيگە ارداگەردىڭ ءبىرشاما قۇجاتتارىن تاپسىردى. «قىزىل جۇلدىز» وردەنى, كەنيگسبەرگتى, بەرليندى العانى ءۇشىن ماراپاتتاۋلارى بىزدە ساقتالعان. كەزەكتى شابۋىل كەزىندە نەمىس وفيتسەرىن تۇتقىنعا تۇسىرگەن,–دەيدى وبلىستىق تاريحي-ولكەتانۋ مۇراجايى ديرەكتورىنىڭ ورىنباسارى انار دۇيسەنباەۆا.
«اكەمىز سوعىس تۋرالى كوپ ايتا بەرمەيتىن,–دەيدى باتىردىڭ ارتىندا قالعان جالعىز تۇياعى قورعانبەك اعا. تەك مايدانداستارى ايتقان اڭگىمەلەر عانا ەسىندە قالىپتى.
– نۇركەەۆ بەكبولات دەگەن پوگرانيچنيك بولدى. ەرتەدە سوعىستا بولعان عوي نەگىزى. اكەممەن جولداس بولدى. اڭگىمەلەسكەندە «وي, راحاڭ 10-20 مەتردەن سىرىڭكەنى كوزدەپ اتقاندا, باسىنا تيگىزىپ, وت قىپ جاندىرىپ جىبەرەتىن» دەيدى. سونداي مەرگەن ادام بولعان دەپ ايتىپ جۇرەتىن,–دەيدى مايدانگەردىڭ ۇلى قورعانبەك سانسىزباەۆ.
مايدانگەر سانسىزباەۆ سوعىستان ورالعان سوڭ, «كوكشەتاۋ پراۆداسى», رەسپۋبليكالىق «سوتسياليستىك قازاقستان» گازەتىنىڭ ءتىلشىسى بولعان. ورىسشا, قازاقشاعا بىردەي جەتىك جالىندى ءجۋرناليستىڭ فەلەتون, ساتيرا, پروزا جانرىنداعى ولەڭدەرى گازەت بەتتەرىندە ءجيى جارىق كورىپ وتىرعان. ۇرپاعى بارلىق شىعارماسىنىڭ باسىن قۇراپ, «بەس وق» دەگەن جيناق ازىرلەگەن. قايىن اتاسىنىڭ ەڭبەگىن جيناقتاپ جۇرگەن كەلىنى ايتجان اپايدىڭ جالعىز ارمانى بار.
– ءبىزدىڭ ارمانىمىز ءۇش-ءتورت جىلدان بەرى اتامىزدىڭ اتىنا ءبىر كوشە سۇراپ ءجۇرمىز, ءالى الا الماي جاتىرمىز. ونوماستيكانىڭ وتىرىسىندا ءبىر ازامات «بۇل كىسىگە «سمەرش» كونتررازۆەدكادا بولعانى ءۇشىن عانا كوشە اتىن بەرۋگە بولادى,–دەيدى مايدانگەردىڭ كەلىنى ايتجان سارسەنبايقىزى.
قان مايداننان امان ورالعان راحىمجان سانسىزباەۆ 45 جاسىندا جول اپاتىنان كوز جۇمادى. ارتىندا 4 قىزى مەن جالعىز ۇلى قالىپ, ودان 13 نەمەرە, 26 شوبەرە وربىگەن. كوزى ءتىرى بولسا مايدانگەر 5 مامىر كۇنى 100 جاسقا تولار ەدى.
