وبلىس ورتالىعىنىڭ تۇرعىندارى كوروناۆيرۋسقا تەست تاپسىرا الادى. قالادا بيوماتەريالداردى جيناۋعا ارنالعان ءموبيلدى بەكەتتەر جۇمىس ىستەي باستادى. تەستىلەۋگە كەلگەندەر ەڭ الدىمەن جەكە باسىن كۋالاندىراتىن قۇجاتىن كورسەتىپ, تىركەۋدەن وتەدى. ەكسپرەسس-تەست – بۇل بىرنەشە رەاكتيۆتەر قولدانىلاتىن ىشكى سىناق جولاعى بار ءبىر رەتتىك پلاستيكالىق قۇرىلعى. ساراپتاما ءۇشىن الدىمەن ساۋساعىڭىزدان قان الىنادى. تەستىلەۋدەن وتكىڭىز كەلسە الدىمەن cdl.kz سايتىنا كىرىپ, ءوتىنىش قالدىراسىز. سونىمەن قوسا ءتيىستى فورمادا ونى تولتىرۋىڭىز قاجەت. ودان سوڭ سىزبەن لابوراتوريانىڭ وپەراتورى حابارلاسىپ, كەلەتىن مەرزىمىڭىزدى بەلگىلەيدى. ايتا كەتەيىك, ءوز تىلەگىڭىزگە قاراي اقىلى تۇردە وتۋىڭىزگە دە بولادى. بىراق باعاسى ارزان دەپ ايتۋعا كەلمەيدى. 19220 تەڭگە, وعان بيوماتەريالدى الۋعا تولەيتىن 540 تەڭگەنى قوسىڭىز. ەكسپرەسس-تەستى تاپسىرعاننان كەيىن سول كۇنى ءسىزدىڭ ۇيالى تەلەفونىڭىزعا سمس-حابارلاما نەمەسە ەلەكتروندى پوچتاڭىزعا تەستىلەۋدىڭ قورىتىندىسى تۋرالى انىقتاما كەلەدى.
دەنساۋلىعىڭىزدان قىمبات ەشتەڭە جوق. وعان قوسا وزگەنىڭ دە اماندىعىن ويلاعان ءجون.
