العاشقى جۇمىس كۇنى وسى حقو-لاردا 2038 مەملەكەتتىك قىزمەت كورسەتىلدى. ولاردىڭ 70%-دان استامى الدىن الا برونداۋ ارقىلى قامتاماسىز ەتىلگەن. قالعاندارى سول جەردە برون جاساعان نەمەسە وپەراتورلاردىڭ بوساۋىن كۇتكەن.
ەستەرىڭىزگە سالا كەتەيىك, وتكەن اپتادا «ازاماتتارعا ارنالعان ۇكىمەت» مەملەكەتتىك كورپوراتسياسى كوروناۆيرۋس پاندەمياسى قاۋىپىنىڭ ساقتالۋىنا بايلانىستى مەملەكەتتىك قىزمەتتەردى كورسەتۋدىڭ جاڭا فورماتىن ۇسىندى, وعان سايكەس ازاماتتار حقو-دان تەك «قاعاز جۇزىندەگى» قىزمەتتەر مەن ونلاين تۇردە راسىمدەلگەن قىزمەتتەردىڭ ناتيجەلەرىن الا الادى.
بۇل رەتتە قىزمەتتەردى تەك الدىن الا جاسالعان برونداۋ ارقىلى الۋعا بولادى. حالىققا قىزمەت كورسەتۋ ورتالىعىنا كەزەك ۋاقىتىن egov.kz پورتالى نەمەسە 1414 نومىرىنە قوڭىراۋ شالۋ ارقىلى بەلگىلەۋگە بولادى.
«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتورايىمى اسەمگۇل بالتاشەۆانىڭ ايتۋىنشا, كەزەككە تاپسىرىس بەرۋ – ەڭ الدىمەن قىزمەت الۋشى ءۇشىن وتە ىڭعايلى. ول حقو-عا بىردەن قىزمەت الۋ ءۇشىن نەمەسە قۇجاتىن الىپ كەتۋ ءۇشىن عانا بارادى. ء«بىرىنشى كۇنى ءبىز كەزەككە تاپسىرىس بەرمەگەن كليەنتتەردىڭ وزىنەن جاعىمدى پىكىر ەستىدىك. ولار قىزمەتتەردى تەز الۋعا بولاتىندىعىن كورىپ, كەلەسى جولى تەك برونداۋ ارقىلى كەلۋگە ۋادە بەردى», – دەپ تولىقتىردى بالتاشەۆا.
ول, سونداي-اق كەزەككە تاپسىرىس بەرگەن كليەنتتەردىڭ قاتاڭ تۇردە بەلگىلەنگەن ۋاقىت ارالىعىندا كەلۋ كەرەكتىگىن ايتتى, سەبەبى برون ۋاقىتى ءوتىپ كەتسە, قايتا برونداۋ ءراسىمىن جاساۋ كەرەك. سونىمەن قاتار, برون بارىسىندا تىركەلگەن جسن يەسى عانا ەلەكتروندى كەزەكتى پايدالانا الادى.
ياعني, 4 مامىردان باستاپ توتەنشە جاعداي ءتارتىبىن قامتاماسىز ەتۋ جونىندەگى شتابتاردىڭ شەشىمىمەن بىرقاتار ايماقتا حالىققا قىزمەت كورسەتۋ ورتالىقتارى اشىلدى.
اتاپ ايتقاندا, قاراعاندى, اقتاۋ جانە ورال قالالارىندا جەكە تۇلعالارعا قىزمەت كورسەتۋ ءۇشىن الدىن الا برونداۋ ارقىلى حقو-لار اشىلدى, ال نۇر-سۇلتان قالاسى مەن اقمولا, اقتوبە, اتىراۋ, سولتۇستىك قازاقستان جانە تۇركىستان وبلىستارىندا حقو-لار شاعىن جانە ورتا بيزنەسكە قىزمەت كورسەتۋ ءۇشىن اشىلدى.
الماتى
