بۇگىنگى كۇنى Covid-19-دان ينفەكتسيالىق ستاتسيونارلاردا 1135 پاتسيەنت ەمدەلىپ جاتىر. ءبىر ناۋقاستىڭ جاعدايى – وتە اۋىر, 34-ىندە – اۋىر, 289-ىندا – ورتاشا اۋىر جانە قالعاندارىنىڭ دەنساۋلىعى دۇرىستارىپ كەلەدى.
مەديتسينالىق باقىلاۋدا 12 665 الماتىلىق بار بولسا, ونىڭ ىشىندە 312-ءى پروۆيزورلىق ستاتسيوناردا, 345-ءى كارانتيندىك گوسپيتالداردا,12 008-ءى ءۇي كارانتينىندە وتىر.
دەگەنمەن, اۋرۋحاناعا جاتقىزىلعاندار ىشىنەن اۋىر حالدەگى ناۋقاستار سانى سوڭعى ۋاقىتتا كوبەيگەن جوق.
تاجىريبە كورسەتىپ وتىرعانداي, كوروناۆيرۋستى جۇقتىرعاندا قوسىمشا اۋرۋلار بولعان جاعدايدا ەمدەۋ ۇدەرىسى قيىنداۋدا. سوندىقتان, سوزىلمالى, اسىرەسە تىنىس الۋ جۇيەسى, جۇرەك-قان تامىرلارى اۋرۋلارى بار بارلىق ادامداردى تەستىلەۋگە بارىنشا باسىمدىق بەرىلەدى.
سونداي-اق, COVID-19 قاۋىپتىلىگى جوعارى تاۋەكەل توبىنا جرۆي, پنەۆمونيا بەلگىلەرى بار ادامدار, مەديتسينا قىزمەتكەرلەرى, قالا اۋماعىنداعى ءار ءتۇرلى اسكەري بولىمدەردەن اسكەري قىزمەتشىلەر, كارانتينگە قويىلاتىن تالاپتاردىڭ ساقتالۋىن باقىلاۋ ماقساتىندا پاترۋلدەۋشى قۇرام, ءىىم جۇيەسىنىڭ قىزمەتكەرلەرى, توسقاۋىل-بەكەتتەرىنە جۇمىسقا تارتىلعان ادامدار ەنگىزىلگەن.
قالا بويىنشا اتالعان كونتينگەنت الماتى قالاسى باس سانيتارلىق دارىگەرىنىڭ كەستەسىنە سايكەس كوروناۆيرۋستىق ينفەكتسياعا مىندەتتى تۇردە تەكسەرىلىپ وتىر.
جاسىرىن وشاقتاردى بەلسەندى انىقتاۋ بويىنشا اتالعان شارالار الماتىدا اۋرۋدىڭ ەرتە ساتىسىندا جۇقتىرعانداردىڭ ەداۋىر سانىن انىقتاۋعا مۇمكىندىك بەردى.
مەگاپوليستە COVID-19 دەر كەزىندە انىقتالۋىنىڭ دالەلى ناۋقاستاردىڭ 77 پايىزىنىڭ دەنساۋلىعى بىرقالىپتى جانە ولاردىڭ اۋرۋى جەڭىل تۇردە سيمپتومسىز وتۋدە.
بۇل ەمدەۋدى جەڭىلدەتەدى, ويتكەنى ءبىز جاعدايدى سىني جاعدايعا دەيىن جەتكىزبەيمىز, قالا بويىنشا بۇل ينفەكتسيادان ءولىم-ءجىتىم تومەن دەڭگەيدە – 0,6% قالىپ وتىر.
الماتىدا وسى كۇنگە دەيىن كوروناۆيرۋستىق ينفەكتسيادان 210 ادام وڭالدى.
كەشە جانە بۇگىن ستاتسيونارلاردان 51 ادام ەمدەلىپ شىقتى. ونىڭ ىشىندە 28 ادام ۆيرۋسى بار ناۋقاسپەن بايلانىستا بولعاندار جانە 23 مەديتسينا قىزمەتكەرى.
پرەزيدەنتتىڭ تاپسىرماسى بويىنشا مەديتسينا قىزمەتكەرلەرىنىڭ قاۋىپسىزدىگىن قامتاماسىز ەتۋ شارالارى كۇشەيتىلدى.
بۇگىنگى كۇنى الماتى قالاسىندا 1940 توسەك-ورىنعا ارنالعان 9 جۇقپالى ستاتسيونار جۇمىس ىستەيدى, پروۆيزورلىق ەمدەۋگە جاتقىزۋ ءۇشىن 909 توسەك-ورىنعا ارنالعان 12 ستاتسيونار, كارانتيندىك ەمدەۋگە جاتقىزۋ ءۇشىن 1392 توسەك-ورىنعا ارنالعان 9 ستاتسيونار قاراستىرىلعان.
بارلىق قالالىق جۇقپالى اۋرۋلار جانە پروۆيزورلىق اۋرۋحانالاردا ءۇي-جايلاردى «تازا» جانە جۇقتىرىلعان ايماقتارعا ءبولۋ قاعيداتى ساقتالادى. سونداي-اق, بارلىق مەديتسينالىق مەكەمەلەردە جەلدەتۋ جانە بەينەباقىلاۋ جۇيەسى جۇمىس ىستەيدى. جاۋاپتى قىزمەتكەرلەر مەديتسينا قىزمەتكەرلەرىنىڭ جەكە قورعانۋ قۇرالدارىن دۇرىس كيۋ حاتتاماسىن ساقتاۋىن قاداعالايدى.
سونداي-اق, بارلىق ەم الۋعا مۇقتاج ناۋقاستار قر دسم-نىڭ ەمدەۋ حاتتاماسىنا سايكەس تولىق كولەمدە ەمدەلەتىندىگىن اتاپ وتكەن ءجون.
الماتى
