جيناق دەپوزيتتەر مەرزىمىنە قاراماستان ەڭ تابىستى سالىمدار بولىپ قالا بەرمەك

مەرزىمسىز جانە قىسقا مەرزىمدى دەپوزيتتەر بوي       ىنشا ەڭ جوعارى سىياقى مولشەرلەمەلەرى دەپوزيتتەردىڭ وسى توبىنا قاتىستى مولشەرلەمەلەردىڭ بىرقالىپتى تومەندەۋى اياسىندا قايتا قارالدى.

وسىنىڭ ناتيجەسىندە تەڭگەدەگى مەرزىمسىز دەپوزيتتەر بويىنشا ەڭ جوعارى مولشەرلەمە ماۋسىم ايىندا 11,0 پايىزدى قۇرايدى. 3 جانە 6 ايعا ارنالعان مەرزىمدى دەپوزيتتەردىڭ تولىقتىرۋعا بولاتىن ءتۇرى بويىنشا – 11%, ال تولىقتىرىلمايتىن ءتۇرى – 11,5%. سونداي-اق وسى مەرزىمگە ارنالعان جيناق دەپوزيتتەردىڭ تولىقتىرىلاتىن ءتۇرى – 12,0%, تولىقتىرىلمايتىن ءتۇرى – 12,5%.

12 جانە 24 ايعا شاقتالعان ۇزاق مەرزىمدى سالىمدار بويىنشا ۇسىنىلاتىن ەڭ جوعارى مولشەرلەمەلەر تومەن قاراي دا جوعارى قاراي دا وزگەردى. بۇل سالىمدار بويىنشا پايىزدار ورتاشا ولشەنگەن سىياقى مولشەرلەمەسى نەگىزىندە ەسەپتەلەدى.  

مەرزىمى 12 اي, تولىقتىرۋ مۇمكىندىگى بار جيناق دەپوزيتتەر بويىنشا ەڭ جوعارى مولشەرلەمەلەر ماۋسىم ايىندا 12,8 پايىزعا دەيىن تومەندەيدى. ال تولىقتىرۋ مۇمكىندىگى بار, 12 جانە 24 ايعا سالىناتىن مەرزىمدى دەپوزيتتەر بويىنشا مولشەرلەمەلەر سايكەسىنشە 10,5% جانە 10,3%-عا دەيىن, تولىقتىرۋ مۇمكىندىگى جوق تۇرلەرى بويىنشا – 11,2% جانە 11,1%-عا دەيىن تومەندەيدى.

تولىقتىرۋ مۇمكىندىگى بار ۇزاق مەرزىمدى سالىمدار بويىنشا مولشەرلەمەلەردىڭ تومەندەۋى  تولىقتىرۋ قۇقىعىنىڭ قۇنىن قايتا قاراۋعا بايلانىستى ورىن الىپ وتىر. قدكبق ونى ۇلتتىق بانكتىڭ بازالىق مولشەرلەمەسىنىڭ وزگەرگەندىگىن جانە سونىڭ ناتيجەسىندە مەملەكەتتىك باعالى قاعازداردىڭ تابىستىلىق اۋىتقىماسىندا ورىن العان وزگەرىستەردى نازارعا الا وتىرىپ, ادىستەمەگە[1] سايكەس وزگەرتتى. 

تولىقتىرۋ قۇقىعى بار, مەرزىمى 24 اي بولاتىن جيناق دەپوزيتتەر بويىنشا ۇسىنىلاتىن ەڭ جوعارى مولشەرلەمەلەر – 12,9%-عا دەيىن, ال تولىقتىرۋ قۇقىعى جوق, مەرزىمى ءبىر جانە ەكى جىلعا ارنالعان ءتۇرى بويىنشا – 14,9%-عا دەيىن جوعارىلايدى.

جالپى ماۋسىم ايىندا بارلىق مەرزىمگە ارنالعان جيناق دەپوزيتتەر بانك كليەنتتەرى ءۇشىن ءوزىنىڭ تارتىمدىلىعىن ساقتايدى جانە باسقا كەز كەلگەن سالىمعا قاراعاندا (12%-دان 14,9%-عا دەيىن) ۇلكەن تابىس  اكەلەدى.

الماتى