توتەنشە جاعداي كەزىندە ءوڭىر شارۋالارىنىڭ ءجۇرىپ-تۇرۋىنا جاعداي جاسالعان. قازىرگى ۋاقىتتا ىلعال جابۋ جۇمىستارى جۇرگىزىلۋدە. ۇستىمىزدەگى جىلى جاقسى اۋدانىندا 470 مىڭ گەكتار جەرگە ءدان سىڭىرىلمەك. ونىڭ ىشىندە كوپ اۋماقتى ءداندى جانە ءداندى-بۇرشاقتى داقىلدار الادى. الدىن-الا جاسالعان جوسپارعا سايكەس بيداي, ارپا, س ۇلى, بۇرشاق ەگىلەدى. ال مايلى داقىلداردان زىعىر, كۇنباعىس, قىشا جانە كوكونىس داقىلدارىنان كارتوپقا ارنايى القاپتار دايىندالعان.
– 212 مىڭ گەكتار جەرگە ىلعال جابۋ جۇمىستارى جۇرگىزىلدى. جىل باسىنان بەرى 4700 توننا مينەرالدى تىڭايتقىش ساتىپ الىندى. كوكتەمگى ەگىس جۇمىستارىن جۇرگىزۋ ءۇشىن «جاقسى-قيما» نەسيەلىك سەرىكتەستىگى ارقىلى 599 ملن تەڭگە كولەمىندە نەسيە الۋعا ءوتىنىم بەرىلدى. بۇگىندە ونىڭ 566 ملن تەڭگەسى قارجىلاندىرىلدى. قازىرگى توتەنشە جاعداي كەزىندە اۋداننىڭ اۋىل شارۋاشىلىعى قۇرىلىمدارىنىڭ, اۋىل شارۋاشىلىعى تاۋارلارىن وندىرۋشىلەرىنىڭ بلوك-بەكەتتەردەن ەمىن-ەركىن ءجۇرىپ تۇرۋ قامتاماسىز ەتىلدى,–دەيدى جاقسى اۋدانى اكىمىنىڭ ورىنباسارى رۇستەم رامازانوۆ.
بۇدان بولەك, اۋداندا مال شارۋاشىلىعىن دامىتۋعا دا ۇلكەن كوڭىل بولۋدە. ماسەلەن «سىباعا» باعدارلاماسى ارقىلى 400 باس اسىل تۇقىمدى مال ساتىپ الىپ, 8 ەت فەرماسىن قۇرۋ جوسپارى بار. ال «ۆيكتور» شارۋاشىلىعى بازاسىندا 100 باس ساۋىن سيىرى بار ءسۇت فەرماسىنىڭ قۇرىلىسىن سالۋ جوسپارلانىپ وتىر. جوبا قۇنى – 160 ملن تەڭگە.
اۋىل شارۋاشىلىعىمەن دەندەپ اينالىساتىن اۋدانداعى تىنىس-تىرشىلىك جىلداعى قالىپتا. قازىر ديقاندار بىرەر كۇننەن سوڭ ءدان ەگۋگە شىعامىز دەپ دالانىڭ دەگدۋىن كۇتىپ وتىر.
جاقسى اۋدانى
اقمولا وبلىسى
