– ءبارى بىردەي جۇمىس ىستەمەي وتىر دەۋگە كەلمەيدى, كەيبىر ايماقتارداعى جانە ۇلتتىق ۋنيۆەرسيتەتتەر بۇل باعىتتا جۇيەلى جۇمىستار جۇرگىزىپ جاتىر. دەگەنمەن كوپ جوو وسى ماسەلەنىڭ ناقتى شەشىمىن, ءتيىمدى جۇيەسىن قالىپتاستىرا الماي وتىرعانىن مويىنداۋىمىز كەرەك. 2021 جىلدان باستاپ سەرتيفيكاتتاۋ ەنگىزىلەدى جانە ءار ۋنيۆەرسيتەت مەملەكەتتىڭ ەمەس, ءوز ديپلومىن بەرەدى. مۇنىڭ ارتىندا ۇلكەن ماعىنا جاتىر. ۋنيۆەريستەتتى, ءبىلىم باعدارلاماسىن قالاي تاڭداۋ كەرەك؟ وسىنداي ماڭىزدى سۇراقتارعا تولىققاندى جاۋاپ بەرەتىن جۇمىس اتقارىلماي وتىر. اقپاراتقا قانىقپاعان بالالار ماماندىقتى ارينە دۇرىس تاڭدامايدى. العاشقى كۋرستان كەيىن نەمەسە 1 سەمەستردەن سوڭ ستۋدەنتتەردىڭ باسقا ماماندىقتارعا اۋىسىپ كەتەتىنىن كورىپ وتىرمىز عوي. "اتامەكەن" ۇلتتىق پالاتاسى جۇرگىزگەن رەيتينگ بار, وعان ءمان بەرۋىمىز كەرەك. سول رەيتينگ بويىنشا زەرتتەۋ قورىتىندىسى دا كوپتەگەن تۇلەكتەردىڭ ءوز ماماندىعى بويىنشا جۇمىس ىستەمەيتىنىن كورسەتىپ تۇر, – دەدى مينيستر.
