سەرۆيستىك اكىمدىك كەڭسەسى ء«بىر تەرەزە» قاعيداسى بويىنشا قىزمەت اتقارادى. مەملەكەتتىك قىزمەت كورسەتەتىن بىرقاتار مەكەمە ءبىر جەردە شوعىرلانعان. جوبانىڭ كوزدەگەنى حالىقتىڭ مەملەكەتتىك قىزمەتشىلەرگە سەنىمىن ارتتىرىپ, جەڭ ۇشىمەن جالعاسقان جەمقورلىق دەڭگەيىن تومەندەتۋ. سونداي-اق, بۇل جاڭاشىلدىق كورسەتىلەتىن قىزمەتتىڭ ساپاسىن كوتەرىپ, حالىقتىڭ تسيفرلىق ساۋاتتىلىعىن جەتىلدىرۋگە دە وڭ ىقپال ەتپەك.
–بۇل جاڭالىقتىڭ ءتيىمدىسى – ەشكىم ەسىك جاعالاپ, عيمارات ارالاپ كەتپەيدى. كەيدە شارشاعاندىقتان, توتە جول ىزدەپ, تانىس جاعالاپ كەتەتىن جاعدايلار بولادى. ەندىگى ارادا وسىنىڭ بارلىعىنا تىيىم سالۋ ءۇشىن اشىق اكىمدىكتەر اشىپ جاتىرمىز. بۇل قازاقستان بويىنشا جاسالىپ جاتقان شارۋا,–دەيدى وبلىستىق سىبايلاس جەمقورلىققا قارسى ءىس-قيمىل جونىندەگى دەپارتامەنتى باسشىسىنىڭ ءبىرىنشى ورىنباسارى ارمان بەردالين.
توتەنشە جاعداي رەجيمى كەزىندە ازاماتتاردى قابىلداۋ جانە كەڭەستەر بەرۋ ونلاين رەجيمدە جۇرگىزىلەدى. نەگىزىندە بالالاردى بالاباقشاعا كەزەككە قويۋ جانە دە سونىڭ بارلىعىن قاداعالاۋ. مۇندا ءبىرىنشى قاباتتا مەملەكەتتىك قىزمەت كورسەتۋ بولىمىندە بالالاردى بالاباقشاعا قويۋ ءبىرىنشى كەزەكتە تۇر. ويتكەنى, اتا-انالار بالالارىمەن ءۇشىنشى قاباتقا كوتەرىلمەس ءۇشىن وسى ءبىرىنشى قاباتتا-اق قىزمەت كورسەتەمىز. قازىر مەملەكەتتىك قىزمەتتەردىڭ 80 پروتسەنتى ونلاين تۇردە كورسەتىلەدى,–دەيدى بۋراباي اۋداندىق ءبىلىم ءبولىمىنىڭ ادىسكەرى ايناگۇل ماكىشەۆا.
بۇل اقمولا وبلىسىنداعى توعىزىنشى اشىق اكىمدىك. جىل سوڭىنا دەيىن وسىنداي سەرۆيستىك اكىمدىكتەر بارلىق وڭىردە اشىلادى دەپ كوزدەلۋدە.
اقمولا وبلىسى.
