ۆيدەوكونفەرەنتس بايلانىس ارقىلى كەڭەسكە اۋدان اكىمدەرى, قالالىق باسقارمالار مەن اكىمدىكتىڭ ۆەدومستۆولىق باعىنىستى ۇيىمدارىنىڭ باسشىلارى قاتىستى.
قالالىق سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى نۇرلان قىدىرباەۆ قاتىسۋشىلارعا سىبايلاس جەمقورلىققا قارسى قىزمەتتىڭ 1424 ساll-ورتالىعى ارقىلى ەلوردا تۇرعىندارىنان وتىنىشتەردى قاراستىرۋ جانە قوعام وكىلدەرىمەن بىرلەسىپ وتكىزىلەتىن ەڭبەك ۇجىمدارىنداعى سىبايلاس جەمقورلىقتىڭ الدىن-الۋ شارالارى جونىندە اتاپ ءوتتى. دەپارتامەنت باسشىسى «Protecting Business and Investments» بيزنەستى جانە ينۆەستيتسيالاردى سىبايلاس جەمقورلىقتان قورعاۋ جوباسىنا توقتالدى. جوبا اياسىندا جىل باسىنان بەرى 8 ميلليارد تەڭگەدەن استام قارجى كولەمىندە ينۆەستورلارمەن كەلىسىمگە قول قويىلعان.
«استانا – ادالدىق الاڭى» جوباسىنىڭ جەتەكشىسى, قالالىق ءماسليحاتتىڭ دەپۋتاتى ميراس شەكەنوۆ جوبانىڭ سىبايلاس جەمقورلىق تاۋەكەلدەرىن تومەندەتۋدەگى ەرەكشە ءرولى, مەملەكەتتىك ورگاندار جۇمىسىنىڭ اشىقتىعى, سونداي-اق ەلوردانىڭ اۋدان اكىمدىكتەرى جۇزەگە اسىراتىن «بيۋدجەتكە قاتىسۋ» جوباسى تۋرالى ايتتى.
كەڭەس قورىتىندىسى بويىنشا التاي كولگىنوۆ مەملەكەتتىك ورگانداردىڭ باسشىلارىنا, قىزمەتكەرلەرىنە سىبايلاس جەمقورلىق قۇقىق بۇزۋشىلىقتاردىڭ الدىن الۋ جونىندە ەسكەرتتى. اكىم بيۋدجەت قاراجاتىنىڭ ماقساتتى جۇمسالۋى ءۇشىن جاۋاپكەرشىلىكتى جانە مەملەكەتتىك ساتىپ الۋ راسىمدەرىن قاتاڭ ساقتاۋدى تالاپ ەتتى.
