ايماقتار • 04 مامىر، 2020

65 تاۋلىككە جوسپارلانعان جوبا 54 تاۋلىكتە اياقتالدى

19 رەت كورسەتىلدى

ەلدەگى توتەنشە جاعداي ەزىندە «كازحروم» مەكەمەسىنىڭ ماماندارى قىسقا مەرزىمدە №4 بالقىتۋ تسەحىنىڭ №43 پەشىنە كۇردەلى جوندەۋ جۇمىستارىن جۇرگىزىپ شىقتى. بۇل جاعىمدى ءجايت فەررو حروم ءوندىرۋ ىسىندە جوعارى كورسەتكىشتەرگە جەتۋگە ىقپال ەتپەك. ماڭىزدى جوبانى العاشقىدا رەسەي مەن بىرىككەن اراب امىرلىكتەرىندەگى مەردىگەر كومپانيالارعا جۇكتەۋ بەلگىلەنگەن ەكەن. الايدا Covid-19 پاندەمياسىنا بايلانىستى مەردىگەر كومپانيا جۇمىستى باستاي المايتىندىعىن مالىمدەگەن.

-اقتوبە فەررو قورىتپا زاۋىتىندا بۇرىن سوڭدى مۇنداي اۋقىمدى جۇمىستاردى ءوز كۇشىمىزبەن ورىنداپ كورمەگەن ەدىك. بىراق توتەنشە جاعداي شارتتارى بىزگە ەرەكشە سىن بولدى. باستاپقىدا ءبىز بەلگىلەگەن مەرزىمگە ەشكىم سەنبەدى. جۇمىستى ورىنداۋ ءۇشىن ءبىز بۇرىن وسىنداي تاجىريبە جيناقتاعان اقسۋ قالاسىنداعى فيليالىمىزدان جوندەۋ قىزمەتى ماماندارىن شاقىرتتىق. ءوڭىر باشسىسىنىڭ قولداۋىنىڭ ارقاسىندا ولار اقتوبەگە كىرەتىن بلوك بەكەتتەردەن ەش كەدەرگەسىز ءوتتى. بۇل بىزگە ماڭىزدى جوبانىڭ ۋاقىتىندا جۇزەگە اسىرۋعا مۇمكىندىك بەردى دەدى egemen.kz تىلشىسىنە كازحروم تۇك اق پرەزيدەنتى ارمان ەسەنجولوۆ.

ناتيجەسىندە جوندەۋ جۇمىستارىن الەمدىك كومپانيانىڭ تالاپ ەتكەن مەرزىمىنەن بۇرىن، ياعني 65 تاۋىلىككە جوسپارلانعان جۇمىستار 54 تاۋىلىكتە اياقتالدى. جوبا قۇنى 7 ميلليارد تەڭگەدەن اسىپ تۇسەدى.

بۇگىنگى تاڭدا زاۋىتتا جۇمىستىڭ ەلەسى كەزەڭى – امەريكالىق «HotWork» كومپانياسى جۇزەگە اسىراتىن پەشتى قىزدىرۋ جۇمىسى باستالدى. كۇردەلى جوندەۋگە دەيىن №43 پەش 40-50 مەگاۆات قۋاتپەن جۇمىس ىستەدى. اۋقىمدى جۇمىستاردىڭ تياناقتى ىسكە اسۋىنىڭ ناتيجەسىندە پەش قۋاتىن 2020 جىلدىڭ ەكىنشى جارتى جىلدىعىندا 65-70 مەگاۆاتقا دەيىن جەتكىزۋگە مۇمكىندىك تۋىپ وتىر.

 

سوڭعى جاڭالىقتار

ۇقساس جاڭالىقتار